കിണവൂർ വാർഡിലെ കോൺഗ്രസ് സ്ഥാനാർഥി നിർണയത്തിൽ പ്രതിഷേധിച്ച് കോൺഗ്രസിലെ വിവിധ തലങ്ങളിലുള്ള ഭാരവാഹികൾ രാജിെവച്ചു. വാർഡുതല സ്ഥാനാർഥി നിർണയസമിതി തീരുമാനിച്ച സ്ഥാനാർഥിയെ ഒഴിവാക്കിയതിൽ പ്രതിഷേധിച്ചാണ് രാജി. ഷീജാ വർഗീസിനെയാണ് സമിതി സ്ഥാനാർഥിയായി നിർദേശിച്ചത്. എന്നാൽ ഡി.സി.സി നേതൃത്വം ത്രേസിയമ്മ തോമസിനെ സ്ഥാനർഥിയാക്കി. ഈ തീരുമാനത്തിൽ പ്രതിഷേധിച്ചാണ് നാലാഞ്ചിറ മണ്ഡലം കമ്മിറ്റി പ്രസിഡൻറ് പനയപ്പള്ളി ഹരി, കിണവൂർ വാർഡ് പ്രസിഡൻറ് സ്വാമിനാഥൻ, വിവിധ വാർഡ് ഭാരവാഹികൾ തുടങ്ങിയവർ രാജി നൽകിയത്. ഷീജ വർഗീസിനെ സ്വതന്ത്ര സ്ഥാനാർഥിയായി മത്സരിപ്പിക്കാനും തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.