പഴകിയ ഭക്ഷണം പിടിച്ചു; രണ്ട് ഹോട്ടലുകൾ പൂട്ടാൻ നോട്ടീസ്

നെടുമങ്ങാട്: നഗരസഭ ആരോഗ്യ വിഭാഗം ഹോട്ടലുകളിൽ നടത്തിയ റെയ്ഡിൽ പഴകിയ ഭക്ഷണം പിടിച്ചെടുത്തു; രണ്ട് ഹോട്ടലുകൾ പൂട്ടാൻ നോട്ടീസ് നൽകി. പതിനൊന്നാം കല്ലിൽ പ്രവർത്തിക്കുന്ന കിച്ചൻ സൽകാര, ഡീലക്സ് ഹോട്ടൽ എന്നിവ പൂട്ടാനാണ് നോട്ടീസ് നൽകിയത്. വൃത്തിഹീനമായ സാഹചര്യത്തിൽ പ്രവർത്തിച്ചുവരികയായിരുന്ന ഹോട്ടലുകളിൽനിന്ന് പഴകിയ ആഹാര സാധനങ്ങൾ പിടിച്ചെടുത്തു. വിവിധ സ്ഥാപനങ്ങളിൽനിന്ന് നിരോധിച്ച പ്ലാസ്റ്റിക് കവറുകളും കണ്ടെടുത്തു.