മുതലപ്പൊഴിയിൽ രണ്ടാം ഡ്രഡ്ജർ ട്രയൽ റൺ പൂർത്തിയാക്കി

ചി​റ​യി​ൻ​കീ​ഴ്: മു​ത​ല​പ്പൊ​ഴി​യി​ൽ ര​ണ്ടാം ഡ്ര​ഡ്ജ​ർ ട്ര​യ​ൽ റ​ൺ പൂ​ർ​ത്തി​യാ​ക്കി. പൂ​ർ​ണ തോ​തി​ലെ പ്ര​വ​ർ​ത്ത​നം തി​ങ്ക​ളാ​ഴ്ച ആ​രം​ഭി​ക്കും. ക​ണ്ണൂ​രി​ൽ നി​ന്നെ​ത്തി​ച്ച ശേ​ഷി കൂ​ടി​യ ച​ന്ദ്ര​ഗി​രി ഡ്ര​ഡ്ജ​റാ​ണ് പ്ര​വ​ർ​ത്ത​ന​ക്ഷ​മ​മാ​ക്കി​യ​ത്. ഡ്ര​ഡ്ജ​ർ പൊ​ഴി​യി​ൽ എ​ത്തി​ച്ച് ഒ​രാ​ഴ്ച​യ്ക്കു​ശേ​ഷ​മാ​ണ് ട്ര​യ​ൽ റ​ൺ ന​ട​ത്താനായത്​.

ക​ഴി​ഞ്ഞ മൂ​ന്നു​ദി​വ​സ​മാ​യി സാ​ങ്കേ​തി​ക ത​ക​രാ​റു​ക​ൾ കാ​ര​ണം ന​ട​ത്തു​വാ​ൻ ക​ഴി​യാ​തെ പ്ര​തി​സ​ന്ധി​യി​ലാ​യി​രു​ന്നു ഓ​രോ ത​വ​ണ ട്ര​യ​ൽ ശ്ര​മി​ക്കു​മ്പോ​ഴും ഓ​രോ സാ​ങ്കേ​തി​ക പ്ര​ശ്ന​ങ്ങ​ൾ മു​ന്നി​ൽ വ​ന്നു. ശ​നി​യാ​ഴ്ച രാ​വി​ലെ എ​റ​ണാ​കു​ള​ത്തു നി​ന്ന്​ എ​ത്തി​യ സാ​ങ്കേ​തി​ക വി​ദ​ഗ്ധ​രാ​ണ് നി​ല​വി​ലെ പ്ര​ശ്ന​ങ്ങ​ൾ പ​രി​ഹ​രി​ച്ച് ട്ര​യ​ൽ റ​ണ്ണി​ന് ഡ്ര​ഡ്ജ​ർ സ​ജ്ജ​മാ​ക്കി​യ​ത്. ഹൈ​ഡ്രോ​ളി​ക് പൈ​പ്പി​ലെ ത​ക​രാ​റാ​ണ് ഇ​വ​ർ പ​രി​ഹ​രി​ച്ച​ത്.

ട്ര​യ​ൽ റ​ൺ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ സാ​ഹ​ച​ര്യ​ത്തി​ൽ ഞാ​യ​റാ​ഴ്ച ഡ്ര​ഡ്ജ​ർ ഒ​ഴി​വു​ക ഭാ​ഗ​ത്തേ​ക്ക് മാ​റ്റും. തു​ട​ർ​ന്ന് ബാ​ക്കി പൈ​പ്പു​ക​ൾ ഘ​ടി​പ്പി​ക്കു​ക​യും ഇ​ത​ര സം​വി​ധാ​ന​ങ്ങ​ൾ ഒ​രു​ക്കു​ക​യും ചെ​യ്യും. തി​ങ്ക​ളാ​ഴ്ച ഉ​ച്ച​യോ​ടെ ഇ​ത്ത​രം ന​ട​പ​ടി​ക​ൾ പൂ​ർ​ത്തി​യാ​ക്കി ഡ്ര​ഡ്ജി​ങ് പൂ​ർ​ണ്ണ തോ​തി​ൽ ആ​രം​ഭി​ക്കു​വാ​ൻ ക​ഴി​യും എ​ന്നാ​ണ് ഉ​ദ്യോ​ഗ​സ്ഥ​ർ വി​ല​യി​രു​ത്തു​ന്ന​ത്.

ക​ട്ട​ർ സെ​ക്ഷ​ൻ ഡ്ര​ഡ്ജ​റാ​യ ച​ന്ദ്ര​ഗി​രി​ക്ക് മ​ണ​ൽ, ച​ര​ൽ, ചെ​റി​യ പാ​റ ക​ഷ്ണ​ങ്ങ​ൾ അ​ട​ക്കം നീ​ക്കം ചെ​യ്യാ​നാ​കും. 10 മീ​റ്റ​ർ വ​രെ ആ​ഴ​ത്തി​ലും മ​ണി​ക്കൂ​റി​ൽ 400 ക്യൂ​ബി​ക് മീ​റ്റ​ർ മ​ണ​ൽ ച​ന്ദ്ര​ഗി​രി​ക്ക് നീ​ക്കം ചെ​യ്യാ​ൻ ക​ഴി​ക്കും. തി​ങ്ക​ളാ​ഴ്ച മു​ത​ൽ ര​ണ്ട് ഷി​ഫ്റ്റു​ക​ളി​ലാ​യി മു​ഴു​വ​ൻ സ​മ​യ​വും വി​നി​യോ​ഗി​ച്ച് മ​ണ​ൽ നീ​ക്കം ചെ​യ്യും.