മരത്തിൽനിന്ന് വീണ് കിടപ്പിലായ യുവാവ് സഹായം തേടുന്നു

(ചിത്രം)....must.... ഇരവിപുരം: മരത്തിൽനിന്ന്​ വീണതിനെതുടർന്ന് എട്ടുവർഷമായി കിടപ്പിലായ യുവാവ് ചികിത്സക്ക്​ പണം കണ്ടെത്താനാകാതെ വലയുന്നു. പട്ടത്താനം ദർശന നഗർ 174 ജലാലുദ്ദീൻ മൻസിലിൽനിന്ന്​ കരിക്കോട് ടി.കെ.എം കോളജിനടുത്ത് മാടൻകാവിന് സമീപം ചെപ്പള്ളിൽ വീടിനടുത്ത് വാടകക്ക് താമസിക്കുന്ന ജലാലുദ്ദീ​ൻെറയും മാജിദയുടെയും മകൻ നെജിമുദ്ദീൻ (25) ആണ് ചികിത്സക്കായി സുമനസ്സുകളുടെ സഹായം തേടുന്നത്. എട്ടുവർഷം മുമ്പ് കുണ്ടറയിലെ ഒരു വീട്ടിൽ മരം മുറിച്ചു കൊണ്ടിരിക്കെ ശക്തമായ കാറ്റിൽപെട്ട് താഴേക്ക് വീഴുകയായിരുന്നു. തിരുവനന്തപുരം മെഡിക്കൽ കോളജ് ആശുപത്രിയിലായിരുന്നു ചികിത്സ. പിതാവും ഒരു അപകടത്തിൽപെട്ട് ചികിത്സയിലാണ്. സ്വന്തമായുണ്ടായിരുന്നതെല്ലാം ചികിത്സക്കായി ചെലവഴിച്ചു. സുമനസ്സുകളുടെ സഹായം കൊണ്ടാണ് കഴിഞ്ഞുപോകുന്നത്. മാതാവ് അസുഖബാധിതയായതിനാൽ ഏക സഹോദരിയാണ് പരിചരിക്കുന്നത്. ഇപ്പോൾ ആശുപത്രിയിൽ ചികിത്സക്ക്​ പോകുന്നതിനോ മരുന്നുവാങ്ങുന്നതിനോ വീട്ടുവാടക കൊടുക്കുന്നതിനോ കഴിയാത്ത സ്ഥിതിയിലാണ്. മാതാവ് മാജിദയുടെ പേരിൽ ഫെഡറൽ ബാങ്കി​ൻെറ ഉമയനല്ലൂർ ശാഖയിൽ 10210100405961 എന്ന നമ്പരിൽ അക്കൗണ്ട് ആരംഭിച്ചിട്ടുണ്ട്. IFSC code: FDRL0001273. ഫോൺ: 7994461872.