തിരുവനന്തപുരം: വിതുര ഗ്രാമപഞ്ചായത്ത് അങ്കണത്തില്‍ പുതുതായി നിര്‍മിച്ച ഓഡിറ്റോറിയത്തിൻെറ ഉദ്ഘാടനം ജില്ലപഞ്ചായത്ത് പ്രസിഡൻറ് വി.കെ. മധു നിര്‍വഹിച്ചു. ഗ്രാമപഞ്ചായത്തിൻെറ ഫണ്ടില്‍നിന്ന് 20 ലക്ഷം രൂപ ചെലവഴിച്ചാണ് ഓഡിറ്റോറിയത്തിൻെറ നിര്‍മാണം പൂര്‍ത്തീകരിച്ചത്. അഞ്ച് വര്‍ഷത്തിനിടെ വിതുരയില്‍ 35 കോടിയുടെ വികസനപ്രവര്‍ത്തനങ്ങളാണ് ജില്ല പഞ്ചായത്ത് നടത്തിയതെന്ന് അദ്ദേഹം പറഞ്ഞു. വ്യത്യസ്ത മേഖലകളില്‍ കഴിവ് തെളിയിച്ചവരെയും കോവിഡ് കാലത്തെ സജീവ പ്രവര്‍ത്തനങ്ങളിലൂടെ നാടിന് അഭിമാനമായ വളൻറിയര്‍മാരെയും ചടങ്ങില്‍ ആദരിച്ചു. വിതുര ഗ്രാമപഞ്ചായത്ത് പ്രസിഡൻറ് എസ്.എല്‍. കൃഷ്ണകുമാരി അധ്യക്ഷത വഹിച്ചു. പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയര്‍പേഴ്‌സണ്‍ എം. ലാലി, വിതുര ഗ്രാമപഞ്ചായത്ത് സെക്രട്ടറി വി.എസ്. അനുസചേതനന്‍, ഐ.ഐ.എസ്.ഇ.ആര്‍ ജോയൻറ് രജിസ്ട്രാര്‍ മനോജ് എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.