അയ്യൻകാളിയെ ട്രഷറി ഡയറക്ടർ അപമാനിച്ചു -ജോയൻറ് കൗൺസിൽ തിരുവനന്തപുരം: മഹാത്മാ അയ്യൻകാളിയെ ട്രഷറി ഡയറക്ടർ അപമാനിച്ചതായി ജോയൻറ് കൗൺസിൽ ആരോപിച്ചു. ട്രഷറി സോഫ്റ്റ്വെയറിലെ അപാകത മൂലം ആഗസ്റ്റിലെ അവസാന പ്രവൃത്തിദിവസത്തിലും പാസാക്കാൻ കഴിയാത്ത ബില്ലുകൾ പാസാക്കുന്നതിനായി അയ്യൻകാളി ദിനം ട്രഷറി പ്രവർത്തിപ്പിക്കണമെന്ന ഡയറക്ടറുടെ ഉത്തരവ് ജീവനക്കാർ പൂർണ മനസ്സോടെ ഏറ്റെടുക്കുകയും ഉത്തരവാദിത്തം നിറവേറ്റുകയുമുണ്ടായി. ഒരുതരത്തിലുള്ള പരാതിയും ഏതെങ്കിലും വിഭാഗം ജീവനക്കാരോ സംഘടനകളോ ഉയർത്തിയില്ല. എന്നാൽ 28ന് ഉച്ചക്ക് 2.30ന് പട്ടികജാതി-വർഗവിഭാഗം ജീവനക്കാരെ ഡ്യൂട്ടിയിൽ നിന്ന് ഒഴിവാക്കുന്നുവെന്ന അറിയിപ്പ് ട്രഷറി ഡയറക്ടർ പുറപ്പെടുവിക്കുകയും ഡ്യൂട്ടിയിലുണ്ടായിരുന്ന ജീവനക്കാരെ ജാതി തിരിച്ച് ഇറക്കിവിടുകയും ചെയ്യുകയുണ്ടായി. ഇത് ജീവനക്കാർക്ക് അപമാനകരമാണ്. ജീവനക്കാരെ അപമാനിക്കുന്ന തരത്തിൽ തുടർച്ചയായി ഉത്തരവുകൾ പുറപ്പെടുവിക്കുന്ന ഡയറക്ടർക്കെതിരെ ശക്തമായ പ്രക്ഷോഭം സംഘടിപ്പിക്കുമെന്ന് ചെയർമാൻ ജി. മോട്ടിലാലും ജനറൽ സെക്രട്ടറി എസ്. വിജയകുമാരൻ നായരും അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.