വിതുര: വിനോദസഞ്ചാരം നിരോധിച്ച പൊന്മുടിയിൽ മദ്യലഹരിയിൽ അതിക്രമിച്ച് കടക്കുകയും തടയാൻ ശ്രമിച്ച വനം അധികൃതരെ ആക്രമിക്കുകയും ചെയ്ത പ്രതികൾ അറസ്റ്റിൽ. വലിയവേളി എസ്.എസ് ഭവനിൽ സാജൻകുമാർ (34), പള്ളിത്തുറ സൗത്തിൽ തുമ്പ വി.എസ്.എസ്.സി കോളനി ക്വാർട്ടേഴ്സ് നമ്പർ സി70ൽ അനീഷ് (32), വലിയവേളി പുഷ്പവിലാസംവീട്ടിൽ സോളമൻ (35) എന്നിവരെയാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. കോവിഡിനെത്തുടർന്ന് ഏതാനും മാസങ്ങളായി പൊന്മുടിയിൽ വിനോദസഞ്ചാരം നിരോധിച്ചിരിക്കുകയാണ്. സ്ഥലത്തെത്തിയ പ്രതികളെ ഫോറസ്റ്റ് അധികൃതർ വിവരം ധരിപ്പിച്ചു. എന്നാൽ മദ്യലഹരിയിലായിരുന്നവർ വാഹനം കൊണ്ട് ചെക്പോസ്റ്റ് ഇടിച്ചുതകർത്ത് പ്രവേശിക്കാൻ ശ്രമിക്കുകയും ഉേദ്യാഗസ്ഥരെ ആക്രമിക്കുകയും ചെയ്തു. വിതുര പൊലീസ് ഇൻസ്പെക്ടർ എസ്. ശ്രീജിത്ത്, എസ്.ഐ എസ്.എൽ. സുധീഷ്, എസ്.സി.പി.ഒമാരായ പ്രദീപ്, ബിജു എന്നിവരടങ്ങുന്ന സംഘമാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.