ഹാസ്യകലാകാരൻ ഷാബുരാജിൻെറ കുടുംബത്തിന് വീട് കൈമാറി സത്യൻ എം.എൽ.എ വീട് തുറന്നുനൽകി കല്ലമ്പലം: അന്തരിച്ച ഹാസ്യ കലാകാരൻ ഷാബുരാജിൻെറ വീടിൻെറ പണി പൂർത്തീകരിച്ച് താക്കോൽ കൈമാറി. അഡ്വ.ബി. സത്യൻ എം.എൽ.എയുടെ അഭ്യർഥന മാനിച്ച് എം.എൽ.എയുടെ സമീപവാസിയും സുഹൃത്തുമായ ദുൈബയിലെ സംരംഭകൻ കോശി മാമ്മൻ, ഭാര്യ ലീല കോശി എന്നിവർ ചേർന്നാണ് സാമ്പത്തിക സഹായം ചെയ്തത്. ഷാബുരാജിൻെറ ചികിത്സയെ തുടർന്ന് കടക്കെണിയിലാകുകയും മരണത്തെ തുടർന്ന് അടച്ചുറപ്പില്ലാത്ത വീട്ടിൽ ഷാബുരാജിൻെറ വിധവ ചന്ദ്രിക, മക്കളായ ജീവൻ, ജ്യോതി, ജിത്തു, ജിഷ്ണു എന്നിവരുമായി കഴിയേണ്ടുന്ന അവസ്ഥക്ക് എം.എൽ.എയുടെ സമയോചിത ഇടപെലോടെ പരിഹാരം ഉണ്ടാകുകയുമായിരുന്നു. മക്കൾക്ക് ഓൺലൈൻ വിദ്യാഭ്യാസത്തിനുള്ള ടെലിവിഷൻ സെറ്റ് എം.എൽ.എ വാങ്ങി നൽകി. കരവാരംഗ്രാമ പഞ്ചായത്ത് ഓണക്കിറ്റും രാജകുമാരി ഗ്രൂപ് ഓണക്കോടികളും കൈമാറി. പഞ്ചായത്ത് പ്രസിഡൻറ് ഐ.എസ്. ദീപ, വൈസ് പ്രസിഡൻറ് സുരേഷ് കുമാർ, വി.എസ്. പ്രസന്ന, സുനി പ്രസാദ്, സജീർ രാജകുമാരി, അബ്ദുൽ അസീസ് എന്നിവരും എം.എൽ.എയോടൊപ്പം എത്തിയിരുന്നു. കാപ്ഷൻ Veedu ഷാബുരാജിൻെറ കുടുംബത്തിന് നിർമിച്ചുനൽകിയ വീട് ബി. സത്യൻ എം.എൽ.എ തുറന്നുനൽകുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.