കൊല്ലം: കരുനാഗപ്പള്ളി വള്ളിക്കാവ് സ്വദേശി പ്രശാന്തൻ ചികിത്സക്കും നിത്യവൃത്തിക്കും സുമനസ്സുകളുടെ കാരുണ്യം തേടുന്നു. പെയിൻറിങ് തൊഴിലാളിയായിരുന്ന ഇദ്ദേഹം എട്ടുമാസം മുമ്പ് ജോലി കഴിഞ്ഞ് ബൈക്കിൽ വീട്ടിലേക്ക് വരുേമ്പാൾ അപകടത്തിൽപെട്ടു. നായ് കുറുകെ ചാടിയതിനെ തുടർന്ന് ബൈക്ക് മറിഞ്ഞ് ജന്മനാൽ സ്വാധീനക്കുറവുണ്ടായിരുന്ന കാലിന് ഗുരുതര പരിക്കേറ്റു. ശാസ്ത്രക്രിയക്കുശേഷം എട്ടുമാസമായി കിടപ്പിലാണ്. വേദന ശമിക്കാനും നടക്കാനും വീണ്ടും ശസ്ത്രക്രിയ അത്യാവശ്യമാെണന്ന് ഡോക്ടർമാർ നിർദേശിച്ചു. കോവിഡ് വ്യാപനംമൂലം തുടർചികിത്സക്ക് സ്വകാര്യ ആശുപത്രികളെ സമീപിക്കേണ്ട അവസ്ഥയാണ്. ഭാര്യക്ക് ആമാശയത്തിൽ മുഴയുള്ളതിനാൽ ശരീരമാസകലം നീരുവന്ന് ജോലി ചെയ്യാൻ കഴിയാത്ത അവസ്ഥയിലാണ്. മുഴ എത്രയുംവേഗം നീക്കം ചെയ്യണമെന്ന് ഡോക്ടർമാർ നിർദേശിച്ചിരുന്നു. വാടക വീട്ടിൽ താമസിക്കുന്ന ഇദ്ദേഹത്തിന് ആറുമാസത്തെ വാടകപോലും നൽകാൻ കഴിയുന്നില്ല. ലോക്ഡൗണിനെ തുടർന്ന് സന്നദ്ധ സംഘടനകൾ നൽകിയ ഭക്ഷ്യധാന്യങ്ങളും പച്ചക്കറിയുമാണ് ആശ്രയം. ഭാര്യയും പ്ലസ് ടു വിദ്യാർഥിനിയായ മകളുമടങ്ങുന്ന കുടുംബം സുമനസ്സുകളുടെ സഹായം തേടുകയാണ്. അക്കൗണ്ട് വിശദാംശം: പ്രശാന്തൻ ജെ. (Mob: 9567655133), SBI Amrithapuri A/c No. 33473708259 IFSC: SBIN0008626.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.