അകക്കണ്ണിൻെറ വെളിച്ചത്തിൽ സിജോ നേടിയത് വിസ്മയവിജയം കഴക്കൂട്ടം: അകക്കണ്ണിൻെറ വെളിച്ചത്തിൽ പോങ്ങുംമൂട് ജനശക്തിനഗർ ക്രിസ്തിരാജിൽ സംഗീതിൻെറയും രജിതയുടെയും മൂത്ത മകൻ സിജോ നേടിയെടുത്തത് വിസ്മയ വിജയം. പുറംകാഴ്ചകൾ പറഞ്ഞറിഞ്ഞുമാത്രം കേട്ട സിജോക്ക് ഇക്കഴിഞ്ഞ 10ാം ക്ലാസ് പരീക്ഷയിൽ എല്ലാ വിഷയത്തിലും എ പ്ലസ് നേടാനായി. ജനിച്ച് നാലാം മാസത്തിൽ കാഴ്ച മങ്ങിത്തുടങ്ങുകയും പൂർണമായും ഇരുട്ടിലാകുകയും ചെയ്തു. പല ആശുപത്രികളിൽ ചികിത്സ തേടിയെങ്കിലും ഫലമുണ്ടായില്ല. ഏഴാം ക്ലാസ് വരെ വഴുതക്കാട്ടെ അന്ധവിദ്യാലയത്തിലും അതിനുശേഷം എസ്.എൻ.വി സ്കൂളിലുമായിരുന്നു പഠനം. പ്രസംഗം, കവിത, ക്രിക്കറ്റ് തുടങ്ങിയവയിലും നിരവധി സമ്മാനങ്ങൾ നേടിയിട്ടുണ്ട്. കേരള ബ്ലൈൻഡ് ക്രിക്കറ്റ് ടീം അംഗം കൂടിയായ സിജോയുടെ വലിയ ആഗ്രഹം ഇന്ത്യക്ക് വേണ്ടി ജഴ്സി അണിയണമെന്നാണ്. ഓട്ടോ ഡ്രൈവറായ സംഗീതും രജിതയും മകൻെറ ഏത് ആഗ്രഹവും സാധിച്ചുകൊടുക്കാനുള്ള കഠിനശ്രമം നടത്തുന്നുണ്ട്. ആറാം ക്ലാസിൽ പഠിക്കുന്ന അനുജൻ ലിജോക്കും ജന്മനാ കാഴ്ചയില്ല. ചിത്രം: Sijo
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.