കവിയൂർ കൂട്ടമരണം; അന്വേഷണം രണ്ട്​ പതിറ്റാണ്ട്​ പിന്നിട്ടിട്ടും ചോദ്യങ്ങൾ ബാക്കി

തി​രു​വ​ല്ല: ഏ​റെ കോ​ളി​ള​ക്കം സൃ​ഷ്ടി​ച്ച ക​വി​യൂ​രി​ൽ അ​ഞ്ചം​ഗ കു​ടും​ബം കൂ​ട്ട​മ​ര​ണ​ത്തി​ന്​ ഇ​ര​യാ​യ കേ​സി​ന്‍റെ അ​ന്വേ​ഷ​ണം ര​ണ്ട് പ​തി​റ്റാ​ണ്ട് പി​ന്നി​ടു​മ്പോ​ഴും ഉ​ത്ത​രം കി​ട്ടാ​ത്ത ചോ​ദ്യ​ങ്ങ​ൾ. കു​ടും​ബ​ത്തി​ന്റെ കൂ​ട്ട ആ​ത്മ​ഹ​ത്യ​യും പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി പീ​ഡി​പ്പി​ക്ക​പ്പെ​ട്ട​തും വി.​ഐ.​പി ബ​ന്ധ​ങ്ങ​ളു​മെ​ല്ലാം ഏ​റെ​ക്കാ​ലം ച​ർ​ച്ച ചെ​യ്‌​തെ​ങ്കി​ലും പ്ര​തി​ക​ളെ ക​ണ്ടെ​ത്താ​ൻ സി.​ബി.​ഐ​ക്ക്​ പോ​ലും സാ​ധി​ച്ചി​ല്ല.

ക​വി​യൂ​ർ മ​ഹാ​ദേ​വ​ക്ഷേ​ത്ര​ത്തി​ന് സ​മീ​പ​ത്ത് വാ​ട​ക​ക്ക്​ താ​മ​സി​ച്ച വീ​ട്ടി​ൽ അ​ഞ്ചം​ഗ കു​ടും​ബം കൂ​ട്ട ആ​ത്മ​ഹ​ത്യ ചെ​യ്‌​ത നി​ല​യി​ൽ ക​ണ്ടെ​ത്തി​യ​താ​ണ് സം​ഭ​വ​ങ്ങ​ളു​ടെ തു​ട​ക്കം. 2004 സെ​പ്തം​ബ​ർ 28നാ​ണ് മൃ​ത​ദേ​ഹ​ങ്ങ​ൾ ക​ണ്ടെ​ത്തു​ന്ന​ത്. ലോ​ക്ക​ൽ പൊ​ലീ​സും ക്രൈം​ബ്രാ​ഞ്ചും പി​ന്നീ​ട് സി.​ബി.​ഐ​യും കേ​സ് അ​ന്വേ​ഷി​ച്ചെ​ങ്കി​ലും ഒ​ട്ട​ന​വ​ധി സം​ശ​യ​ങ്ങ​ൾ ബാ​ക്കി​യാ​ണ്.

15 വ​ർ​ഷ​ത്തെ സി.​ബി.​ഐ അ​ന്വേ​ഷ​ണം; നാ​ല്​ റി​പ്പോ​ർ​ട്ട്​

15 വ​ർ​ഷ​ത്തോ​ള​മാ​യി അ​ന്വേ​ഷി​ച്ച സി.​ബി.​ഐ നാ​ലു​ത​വ​ണ റി​പ്പോ​ർ​ട്ട് ന​ൽ​കി. സി.​ബി.​ഐ ന​ട​ത്തി​യ മൂ​ന്നു അ​ന്വേ​ഷ​ണ​ത്തി​ലും പെ​ൺ​കു​ട്ടി​യെ പീ​ഡി​പ്പി​ച്ച​ത് അ​ച്ഛ​നാ​ണെ​ന്നാ​ണ് ക​ണ്ടെ​ത്തി​യ​ത്. എ​ന്നാ​ൽ ഈ ​നി​ല​പാ​ട് തി​രു​ത്തി പെ​ൺ​കു​ട്ടി​യെ പീ​ഡി​പ്പി​ച്ച​ത് അ​ച്ഛ​നാ​ണെ​ന്ന് ഉ​റ​പ്പി​ല്ലെ​ന്നും കേ​സി​ൽ വി.​ഐ.​പി​ക​ളു​ടെ പ​ങ്കു ക​ണ്ടെ​ത്താ​നാ​യി​ല്ലെ​ന്നു​മു​ള്ള റി​പ്പോ​ർ​ട്ടാ​ണ് പി​ന്നീ​ട് സി.​ബി.​ഐ കോ​ട​തി​യി​ൽ സ​മ​ർ​പ്പി​ച്ച​ത്.

ഇ​തോ​ടെ വ​ർ​ഷ​ങ്ങ​ൾ നീ​ണ്ട അ​ന്വേ​ഷ​ണ​ത്തി​ന് ഒ​ടു​വി​ൽ വൈ​രു​ധ്യ​ങ്ങ​ൾ നി​റ​ഞ്ഞ​തും ഉ​ത്ത​രം​കി​ട്ടാ​ത്ത​തു​മാ​യ നി​ര​വ​ധി ചോ​ദ്യ​ങ്ങ​ൾ അ​വ​ശേ​ഷി​പ്പി​ച്ചു​മാ​ണ് സി.​ബി.​ഐ നാ​ലാ​മ​ത്തെ അ​ന്വേ​ഷ​ണ​റി​പ്പോ​ർ​ട്ട് കോ​ട​തി​യി​ൽ സ​മ​ർ​പ്പി​ച്ച​ത്.

കു​ടും​ബ​ത്തി​ലെ മൂ​ത്ത​മ​ക​ൾ നി​ര​വ​ധി ത​വ​ണ പീ​ഡി​പ്പി​ക്ക​പ്പെ​ട്ട​താ​യി പോ​സ്റ്റു​മോ​ർ​ട്ടം റി​പ്പോ​ർ​ട്ടി​ലു​ണ്ട്. കി​ളി​രൂ​ർ കേ​സി​ൽ പ്ര​തി​പ്പ​ട്ടി​ക​യി​ൽ ഉ​ൾ​​പ്പെ​ട്ട ല​താ​നാ​യ​ർ സി​നി​മ​യി​ൽ അ​വ​സ​രം വാ​ഗ്ദാ​നം​ചെ​യ്തു പെ​ൺ​കു​ട്ടി​യെ ഉ​ന്ന​ത രാ​ഷ്ട്രീ​യ​ക്കാ​ർ​ക്കും സി​നി​മ​ക്കാ​ർ​ക്കും കാ​ഴ്ച​വെ​ച്ചു എ​ന്നാ​യി​രു​ന്നു ആ​രോ​പ​ണം. സി.​ബി.​ഐ ന​ട​ത്തി​യ അ​ന്വേ​ഷ​ണ​ത്തി​ൽ മൂ​ത്ത​മ​ക​ൾ ഒ​ന്നി​ലേ​റെ ത​വ​ണ പീ​ഡി​പ്പി​ക്ക​പ്പെ​ട്ടി​രു​ന്ന​താ​യും പി​താ​വാ​ണ് പീ​ഡി​പ്പി​ച്ച​തെ​ന്നും കോ​ട​തി​യി​ൽ റി​പ്പോ​ർ​ട്ട് ന​ൽ​കി.

മ​ര​ണ​ത്തി​ന് തൊ​ട്ടു​മു​മ്പു​ള്ള 72 മ​ണി​ക്കൂ​റി​നി​ടെ​യാ​ണ് ഏ​റ്റ​വും ഒ​ടു​വി​ൽ പീ​ഡി​പ്പി​ക്ക​പ്പെ​ട്ട​ത്. പ​ക്ഷേ ആ​രാ​ണ് പീ​ഡി​പ്പി​ച്ച​തെ​ന്ന് ക​ണ്ടെ​ത്താ​ൻ ഒ​രു തെ​ളി​വു​മി​ല്ല. ശ​രീ​ര​ത്തി​ൽ നി​ന്ന് ക​ണ്ടെ​ടു​ത്ത പു​രു​ഷ​ബീ​ജം തു​ട​ക്ക​ത്തി​ൽ ത​ന്നെ ഡി.​എ​ൻ.​എ പ​രി​ശോ​ധ​ന ന​ട​ത്താ​തി​രു​ന്ന പൊ​ലീ​സി​ന്റെ വീ​ഴ്ച​യാ​ണ് തെ​ളി​വി​ല്ലാ​താ​കാ​ൻ കാ​ര​ണ​മെ​ന്നും സി.​ബി.​ഐ പ​റ​യു​ന്നു. മ​ര​ണ​ത്തി​ന് മു​മ്പു​ള്ള 72 മ​ണി​ക്കൂ​റി​ൽ പെ​ൺ​കു​ട്ടി വീ​ട്ടി​ൽ നി​ന്ന് പു​റ​ത്തു​പോ​യി​ട്ടി​ല്ല. അ​ച്ഛ​ന​ല്ലാ​തെ പു​രു​ഷ​നാ​യി​ട്ട് ആ​രും വ​ന്നി​ട്ടി​ല്ല. അ​തു​കൊ​ണ്ട് അ​ച്ഛ​നെ സം​ശ​യി​ക്കാം. അ​ച്ഛ​ൻ മോ​ശ​മാ​യി പെ​രു​മാ​റു​ന്നൂ​വെ​ന്ന് പെ​ൺ​കു​ട്ടി പ​റ​ഞ്ഞ​താ​യി സ​ഹ​പാ​ഠി​യു​ടെ മൊ​ഴി​യു​മു​ണ്ട്. ഈ ​സാ​ഹ​ച​ര്യ തെ​ളി​വു​ക​ൾ സി.​ബി.​ഐ ക​ണ്ടെ​ത്തി​യെ​ങ്കി​ലും ശാ​സ്ത്രീ​യ തെ​ളി​വു​ക​ൾ ചൂ​ണ്ടി​ക്കാ​ട്ടി കോ​ട​തി റി​പ്പോ​ർ​ട്ട് ത​ള്ളി തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ട്ടു.

ല​താ​നാ​യ​രും വി.​ഐ.​പി​യും

കി​ളി​രൂ​ർ പീ​ഡ​ന​ക്കേ​സി​ലെ മു​ഖ്യ​പ്ര​തി​യാ​യ ല​താ​നാ​യ​ർ​ക്ക് ക​വി​യൂ​രി​ൽ മ​രി​ച്ച കു​ടും​ബ​വു​മാ​യി അ​ടു​പ്പ​മു​ണ്ടാ​യി​രു​ന്നു. അ​ങ്ങ​നെ കി​ളി​രൂ​ർ കേ​സ് പോ​ലെ ക​വി​യൂ​രി​ലെ പീ​ഡ​ന​ത്തി​ലും വി.​ഐ.​പി എ​ന്ന ആ​രോ​പ​ണം ഉ​യ​ർ​ന്നു. ഇ​വ​രു​ടെ വീ​ട്ടി​ൽ ല​താ​നാ​യ​ർ താ​മ​സി​ച്ചെ​ന്നു​ള്ള വാ​ർ​ത്ത പ്ര​ച​രി​ക്കു​ക​യും ഗൃ​ഹ​നാ​ഥ​നെ പൊ​ലീ​സ് ചോ​ദ്യം ചെ​യ്ത​തും വ​ലി​യ നാ​ണ​ക്കേ​ടാ​യി. ഇ​തി​ലു​ള്ള മ​നോ​വി​ഷ​മം അ​ഞ്ചം​ഗ കു​ടും​ബ​ത്തി​ന്റെ കൂ​ട്ട​മ​ര​ണ​ത്തി​ന്റെ കാ​ര​ണ​മാ​യെ​ന്നാ​ണ് സി.​ബി.​ഐ​യു​ടെ ക​ണ്ടെ​ത്ത​ൽ. ആ​ത്മ​ഹ​ത്യാ പ്രേ​ര​ണാ​ക്കു​റ്റം ചു​മ​ത്തി കേ​സി​ലെ ഏ​ക പ്ര​തി​യാ​ക്കി ല​താ​നാ​യ​രെ അ​റ​സ്റ്റു​ചെ​യ്തി​രു​ന്നു

കൂ​ട്ട​മ​ര​ണം ന​ട​ന്നി​ട്ട് ര​ണ്ട്​ പ​തി​റ്റാ​ണ്ടി​ല​ധി​കം പി​ന്നി​ട്ടി​ട്ടും പ​ല ഏ​ജ​ൻ​സി​ക​ൾ അ​ന്വേ​ഷി​ച്ചി​ട്ടും കോ​ട​തി​ക​ൾ പ​ല​ത​വ​ണ ഇ​ട​പെ​ട്ടി​ട്ടും ആ​രാ​ണ് വി.​ഐ.​പി എ​ന്നോ പീ​ഡി​പ്പി​ച്ച​താ​രെ​ന്നോ ക​ണ്ടെ​ത്താ​നാ​യി​ല്ല.