പന്തളം നഗരസഭ വാർഡുകളിലൂടെ - വാർഡ് 10 മൂന്നുവർഷം മുമ്പ് നടന്ന ഉപതെരഞ്ഞടുപ്പിൽ മൂന്ന് മുന്നണിയെയും ഞെട്ടിപ്പ് എസ്.ഡി.പി.ഐ സ്ഥാനാർഥി ജയിച്ച വാർഡാണ് കടക്കാട് 10ാം വാർഡ്. തെരഞ്ഞെടുപ്പിൽ സി.പി.എം പ്രതിനിധി വിജയിച്ച വാർഡിൽ കൗൺസിലർക്ക് സർക്കാർ ജോലി ലഭിച്ചപ്പോൾ രാജിവെച്ച ഒഴിവിൽ നടന്ന ഉപതെരഞ്ഞെടുപ്പിൽ സി.പി.എമ്മിന് വാർഡ് നഷ്ടമായി. ഇക്കുറി കടക്കാട് വാർഡിൽ വാശിയേറിയ മത്സരമാണ് നടക്കുന്നത്. മുസ്ലിം ലീഗ് സ്ഥാനാർഥിയും ഡി.വൈ.എഫ്.ഐ യുവനേതാവും തമ്മിൽ കടത്ത മത്സരമാണ്. മുസ്ലിം ലീഗ് സ്ഥാനാർഥി മൻസൂറാണ് യു.ഡി.എഫിനെ പ്രതിനിധാനംചെയ്ത് മത്സരിക്കുന്നത്. കടക്കാട് മുസ്ലിം ജമാഅത്ത് മെംബർകൂടിയായ ഇദ്ദേഹം പ്രവാസി ലീഗ് മണ്ഡലം പ്രസിഡൻറാണ്. എൽ.ഡി.എഫ് സ്ഥാനാർഥി ഷഫിൻ റജീബ് ഖാൻ (കൊച്ചക്കി) എസ്.എഫ്.ഐയിലൂടെ രാഷ്ട്രീയത്തിൽ എത്തി. സ്കൂൾ ചെയർമാനായി തുടക്കം. ഡി.വൈ.എഫ്.ഐ മേഖല ഭാരവാഹി, ഇ.കെ. നായനാർ പാലിയേറ്റിവ് കെയർ മേഖല പ്രസിഡൻറ്. ബി.ടെക് ബിരുദധാരി. എസ്.ഡി.പി.ഐ സ്ഥാനാർഥിയായി ആസാദ് പന്തളം മത്സരിക്കുന്നു. പാർട്ടിയുടെ അടൂർ താലൂക്കിലെ മുതിർന്ന നേതാവാണ്. ബി.ജെ.പി സ്ഥാനാർഥി സി. ബിജു ഹിന്ദു ഐക്യവേദി മുൻ അടൂർ താലൂക്ക് ജനറൽ സെക്രട്ടറിയാണ്. ചിത്രം: 10 Shefin Rajeeb Khan LDF -ഷഫിൻ റജീബ് ഖാൻ (എൽ.ഡി.എഫ്) ചിത്രം: 10 Mansoor UDF -മൻസൂർ (യു.ഡി.എഫ്) ചിത്രം: 10 Asad SDPI -ആസാദ് പന്തളം (എസ്.ഡി.പി.ഐ) ചിത്രം: 10 Biju BJP -സി. ബിജു (ബി.ജെ.പി)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.