കോഴഞ്ചേരി: ചെന്നീർക്കര പഞ്ചായത്ത് ഭരണസമിതിക്കെതിരെ എൽ.ഡി.എഫ് അംഗങ്ങൾ കൊണ്ടുവന്ന അവിശ്വാസ പ്രമേയം പരാജയപ്പെട്ടു. നിലവിലുള്ള 14 അംഗങ്ങളിൽ ആറ് യു.ഡി.എഫ് അംഗങ്ങളും ആറ് എൽ.ഡി.എഫ് അംഗങ്ങളും അവിശ്വാസ പ്രമേയം ചർച്ച ചെയ്യാനായി എത്തിയിരുന്നു. രണ്ട് ബി.ജെ.പി അംഗങ്ങൾ വിട്ടുനിന്നു. എട്ട് അംഗങ്ങൾ പിന്തുണച്ചാൽ മാത്രമേ അവിശ്വാസം പാസാകുകയുള്ളൂവെന്നതിനാൽ അവിശ്വാസ പ്രമേയം പരാജയപ്പെട്ടതായി വരണാധികാരിയായ ബി.ഡി.ഒ രാജേഷ് അറിയിച്ചു. യു.ഡി.എഫ് അംഗങ്ങൾ ഊന്നുകൽ ജങ്ഷനിൽ ആഹ്ലാദപ്രകടനവും യോഗവും നടത്തി. മണ്ഡലം പ്രസിഡൻറ് വർഗീസ് മാത്യു അധ്യക്ഷതവഹിച്ചു. ഡി.സി.സി വൈസ് പ്രസിഡൻറ് അഡ്വ. എ. സുരേഷ്കുമാർ ഉദ്ഘാടനം ചെയ്തു. പഞ്ചായത്ത് പ്രസിഡൻറ് കല അജിത്, വി. രാമചന്ദ്രൻ നായർ, മോനായി കച്ചിറ, ജസിമോൾ ബേബി, രാധാമണി സുധാകരൻ, ഓമനക്കുട്ടൻ നായർ, യു. അജിത്കുമാർ, പി.കെ. ഇക്ബാൽ ലൗലി വലുതറയിൽ, നിബു പാപ്പച്ചൻ, ടൈറ്റസ് ബേബി, കെ. ബാബു എന്നിവർ സംസാരിച്ചു. കവിനാടത്ത് പടി-കിഴക്കേടത്ത് പടി റോഡ് തുറന്നു കോഴഞ്ചേരി: മാരാമൺ-തോട്ടപ്പുഴശ്ശേരി ഗ്രാമപഞ്ചായത്ത് അഞ്ചുലക്ഷം ചെലവഴിച്ച് നവീകരിച്ച കവിനാടത്ത്പടി-കിഴക്കേടത്ത് പടി റോഡ് ജില്ല പഞ്ചായത്ത് വൈസ് പ്രസിഡൻറ് ജോർജ് മാമ്മൻ കൊണ്ടൂർ ഉദ്ഘാടനം ചെയ്തു. തോട്ടപ്പുഴശ്ശേരി ഗ്രാമപഞ്ചായത്ത് പ്രസിഡൻറ് എൽസി ക്രിസ്റ്റഫർ അധ്യക്ഷതവഹിച്ചു. ഗ്രാമപഞ്ചായത്ത് അംഗം ലത ചന്ദ്രൻ, സാലി എബ്രഹാം, സണ്ണി തേലപ്പുറത്ത്, ലാലു തോമസ്, ജോൺസൺ, ജോൺ കവിനാടത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.