ചിറ്റാർ: പഞ്ചായത്തിൻെറ പ്ലാസ്റ്റിക് മാലിന്യശേഖരണ പ്ലാൻറ് നിർമാണത്തിലെ അപാകത ചൂണ്ടിക്കാണിച്ച് നിർമാണം തടയുന്നതിൻെറ ഭാഗമായി കോൺഗ്രസ് മണ്ഡലം കമ്മിറ്റി നേതൃത്വത്തിൽ നിർമാണസ്ഥലത്ത് കൊടികുത്തി. ചിറ്റാർ വില്ലേജ് ഓഫിസിനും ശബരിമല ഇടത്താവളത്തിനും ഹോമിയോ ആയുർവേദ ആശുപത്രിയുടെയും സമീപത്താണ് പ്ലാസ്റ്റിക് സംഭരണ കേന്ദ്രം പണിയുന്നത്. പണി കഴിഞ്ഞ ദിവസം മുതൽ ആരംഭിച്ചു. പഞ്ചായത്തിലെ വിവിധ സ്ഥലങ്ങളിൽനിന്ന് ശേഖരിക്കുന്ന ഉപയോഗശൂന്യമായ പ്ലാസ്റ്റിക് ഇവിടെ എത്തിച്ച ശേഷം വേർതിരിച്ച് പ്ലാൻറിലേക്കു കൊണ്ടുപോകുന്നതാണ് പദ്ധതി. മുമ്പ് പഞ്ചായത്ത് ഓഫിസിനു സമീപത്ത് ചിറ്റാർ-സീതത്തോട് റോഡിനോടു ചേർന്നാണ് കെട്ടിടം നിർമിച്ചത്. എന്നാൽ, നിർമാണം പൂർത്തിയായി വരുന്ന ഘട്ടത്തിൽ കഴിഞ്ഞ മഴക്കാലത്ത് കെട്ടിടത്തിൻെറ അടിത്തറയിൽ വിള്ളൽ ഉണ്ടായതുമൂലം ബലക്ഷയം ഉണ്ടായി .പഞ്ചായത്ത് ഭരണസമിതിയുടെ തീരുമാനപ്രകാരം കരാറുകാരൻ കെട്ടിടം ഉടൻ പൊളിച്ചുമാറ്റി. ഇതിനുശേഷമാണ് ഇപ്പോൾ പുതിയ കെട്ടിട നിർമാണം വില്ലേജ് ഓഫിസിനു മുൻവശത്തായി നടക്കുന്നത്. നിർമാണ സ്ഥലത്ത് കൊടിനാട്ടിയതിനുശേഷം പഞ്ചായത്ത് ഓഫിസിനു മുന്നിൽ സമരം നടത്തി. യോഗം കോൺഗ്രസ് ബ്ലോക്ക് പ്രസിഡൻറ് റോയിച്ചൻ എഴിക്കത്ത് ഉദ്ഘാടനം ചെയ്തു. യോഗത്തിൽ ബഷീർ വെള്ളത്തറ, എ. ബഷീർ, സജി കുളത്തുങ്കൽ, തമ്പാൻ എന്നിവർ സംസാരിച്ചു. ptl__congress kodi naatti കോൺഗ്രസ് മണ്ഡലം കമ്മിറ്റി നേതൃത്വത്തിൽ കൊടിനാട്ടിയിരിക്കുന്നു ptl__Chittar dharna ചിറ്റാർ പഞ്ചായത്ത് ഓഫിസിനു മുന്നിൽ കോൺഗ്രസ് നേതൃത്വത്തിൽ നടന്ന ധർണ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.