പ്ര​തി​ഷേ​ധം ഫ​ലം​ക​ണ്ടു; ലൈ​ഫ്​ പ​ട്ടി​ക​യി​ൽ പു​റ​ത്താ​യ​വ​ർ അ​ക​ത്ത്​

കൊ​ല്ല​ങ്കോ​ട്: ലൈ​ഫ്​ ഭ​വ​ന​പ​ദ്ധ​തി​യി​ൽ അ​ർ​ഹ​ത​യു​ണ്ടാ​യി​ട്ടും പ​ട്ടി​ക​യി​ൽ ഇ​ടം നേ​ടാ​നാ​വാ​ത്ത​തി​നെ തു​ട​ർ​ന്ന്​ പ​ഞ്ചാ​യ​ത്തം​ഗ​ത്തി​ന്‍റെ സ​മ​ര​ത്തി​ൽ രാ​ജു​വി​ന്​ നീ​തി. മൂ​ച്ച​ങ്കു​ണ്ട് പ​ന്ത​പാ​റ സ്വ​ദേ​ശി രാ​ജു​വി​ന്​ ഉ​റ​പ്പു​ള്ള വീ​ട് ഉ​ണ്ടെ​ന്നും പ​ദ്ധ​തി​യി​ൽ​നി​ന്നും പു​റ​ത്താ​ക്ക​ണ​മെ​ന്നു​ള്ള വ്യാ​ജ പ​രാ​തി​യു​ടെ പേ​രി​ൽ അ​ന്തി​മ പ​ട്ടി​ക​യി​ൽ നി​ന്നും പു​റ​ത്താ​ക്കി​യി​രു​ന്നു. അ​ർ​ഹ​രാ​യ​വ​രെ പു​റ​ത്താ​ക്കി​യ​തി​നെ​തി​രെ പ​ഞ്ചാ​യ​ത്ത് അം​ഗം ക​ൽ​പ​നാ ദേ​വി​യും പ​ള്ളം വാ​ർ​ഡ് അം​ഗം താ​ജു​ദ്ദീ​നും പ​ഞ്ചാ​യ​ത്ത് ഓ​ഫി​സി​നു മു​ന്നി​ൽ കു​ത്തി​യി​രി​പ്പ് സ​മ​രം ന​ട​ത്തി​യി​രു​ന്നു.

തു​ട​ർ​ന്നാ​ണ്​ രാ​ജു​വ​ട​ക്ക​മു​ള്ള​വ​രെ അ​ന്തി​മ പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​ത്. രാ​ജു​വി​ന്റെ വീ​ട് ഏ​തു​സ​മ​യ​ത്തും ത​ക​ർ​ന്നു​വീ​ഴാ​റാ​യ നി​ല​യി​ൽ 16 മ​ര​ത്തൂ​ണു​ക​ളു​ടെ സ​ഹാ​യ​ത്തി​ലാ​ണ് നി​ൽ​ക്കു​ന്ന​ത്. രാ​ജു, ക​തി​രേ​ശ​ൻ, ചി​ന്ന​മ​ണി, സേ​വി​യ​മ്മ എ​ന്നി​വ​രെ​യാ​ണ് പ​ഞ്ചാ​യ​ത്തി​ന്‍റെ ര​ണ്ടാ​മ​താ​യു​ള്ള അ​ന്വേ​ഷ​ണ​ത്തി​ൽ മൂ​ച്ച​ങ്കു​ണ്ട് വ​ർ​ഡി​ൽ​നി​ന്നും അ​ന്തി​മ ലി​സ്റ്റി​ൽ ഉ​ൾ​പ്പെ​ടു​ത്തി​യ​ത്. മു​ത​ല​മ​ട പ​ഞ്ചാ​യ​ത്തി​ൽ മാ​ത്രം 1818 ഭൂ​ര​ഹി​ത ഭ​വ​ന ര​ഹി​ത​രാ​ണ് ലൈ​ഫ് പ​ദ്ധ​തി​യി​ൽ അ​ന്തി​മ ലി​സ്റ്റി​ലു​ള്ള​തെ​ന്ന് വി.​പി. നി​ജാ​മു​ദ്ദീ​ൻ ന​ൽ​കി​യ വി​വ​രാ​വ​കാ​ശ മ​റു​പ​ടി​യി​ൽ പ​റ​യു​ന്നു. കൂ​ടാ​തെ വ്യാ​ജ​പേ​രു​ക​ളി​ൽ അ​ർ​ഹ​രാ​യ​വ​രെ അ​ന​ർ​ഹ​രാ​ണെ​ന്ന് വ്യാ​ജ പ​രാ​തി ന​ൽ​കി​യ​തും വി​വ​രാ​വ​കാ​ശ മ​റു​പ​ടി​യി​ൽ ക​ണ്ടെ​ത്തി​യി​രു​ന്നു. കാ​ൻ​സ​ർ, മ​റ്റു മാ​ര​ക​രോ​ഗ​ങ്ങ​ൾ, വി​ക​ലാം​ഗ​ർ, വി​ധ​വ​ക​ൾ, ജീ​ർ​ണി​ച്ച വീ​ടു​ക​ൾ എ​ന്നി​വ ഉ​ള്ള​വ​രെ ആ​ദ്യ​മാ​യി പ​രി​ഗ​ണി​ക്കേ​ണ്ട ലൈ​ഫ് പ​ദ്ധ​തി​യെ അ​ന​ർ​ഹ​രെ ത​ള്ളി​ക്ക​യ​റ്റി ലി​സ്റ്റി​ൽ ക്ര​മ​ക്കേ​ട് ഉ​ണ്ടാ​യ​തി​നാ​ൽ പ​ഞ്ചാ​യ​ത്തി​ലെ എ​ല്ലാ വാ​ർ​ഡു​ക​ളി​ലെ​യും ലൈ​ഫ് ഭ​വ​ന പ​ദ്ധ​തി​യി​ലെ അ​ന്തി​മ ലി​സ്റ്റ് വി​ജി​ല​ൻ​സ് അ​ന്വേ​ഷി​ക്ക​ണ​മെ​ന്നാ​ണ് ഭൂ​ര​ഹി​ത​രാ​യ മ​റ്റു വാ​ർ​ഡു​ക​ളി​ലു​ള്ള​വ​രു​ടെ ആ​വ​ശ്യം.