വീണുകിട്ടിയ പഴ്സ് മുനീറുൽ ഷൈക്ക് മോട്ടോർ വാഹന വകുപ്പ് ഉദ്യോഗസ്ഥരുടെ സാന്നിധ്യത്തിൽ ഉടമ ഫരീദിന് കൈമാറുന്നു
തിരൂരങ്ങാടി: വീണുകിട്ടിയ പഴ്സ് തിരിച്ചേൽപ്പിച്ച് അതിഥി തൊഴിലാളി മാതൃകയായി. പരപ്പനങ്ങാടി കരിങ്കല്ലത്താണി ചെട്ടിയാംപറമ്പിൽ ഫരീദിന്റെ പണവും വിലപ്പെട്ട രേഖകളും അടങ്ങിയ പഴ്സാണ് കഴിഞ്ഞ ദിവസം വാഹനത്തിൽ സഞ്ചരിക്കുമ്പോൾ പരപ്പനങ്ങാടിയിൽ വെച്ച് നഷ്ടപ്പെട്ടത്. ഇത് കൊൽക്കത്ത സ്വദേശി മുനീറിൽ ഷൈക്കിന് ലഭിക്കുകയായിരുന്നു.
ആ സമയം പട്രോളിങ്ങ് നടത്തുകയായിരുന്ന മോട്ടോർ വാഹന വകുപ്പ് ഉദ്യോഗസ്ഥരുടെ കൈയിൽ ഇദ്ദേഹം പഴ്സ് ഏൽപ്പിച്ചു. മോട്ടോർ വാഹന വകുപ്പ് ഉദ്യോഗസ്ഥർ ഫരീദിനെ കണ്ടെത്തുകയായിരുന്നു. തുടർന്ന് മുനീറുൽ ഷൈക്കിനെ വിളിച്ചുവരുത്തി ചെമ്മാട് മിനി സിവിൽ സ്റ്റേഷനിൽ എ.എം.വി.ഐ കെ. സന്തോഷ് കുമാർ, കെ. അശോക് കുമാർ, ടി. മുസ്തജാബ്, ടി.എഫ്.സി മാനേജർ തെങ്ങിലാൻ സിദ്ദീഖ് എന്നിവരുടെ സാന്നിധ്യത്തിൽ ഉടമക്ക് കൈമാറി. മങ്ങാട്ട് ഷൗക്കത്തലി, മജീദ് ഫിനിക്സ്, എൻ.പി. അബ്ദുൽ ഹയ്യ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.