തെ​രു​വു​നാ​യ് ശ​ല്യം കു​റ​ക്കാ​ൻ ജൈ​വി​ക​രീ​തി മു​ന്നോ​ട്ടു​വെ​ച്ച് ഡോ. ​സി. ഇ​ബ്രാ​ഹിം കു​ട്ടി

കു​റ്റി​പ്പു​റം: സം​സ്ഥാ​ന​ത്ത് പ​ല​യി​ട​ങ്ങ​ളി​ലും എ.​ബി.​സി പ​ദ്ധ​തി താ​ളം തെ​റ്റു​ക​യാ​ണ്. തെ​രു​വു​നാ​യ്ക്ക​ളു​ടെ ആ​ക്ര​മ​ണം ദി​നം​പ്ര​തി വ​ർ​ധി​ക്കു​ക​യും പ​ല ത​ദ്ദേ​ശ സ്ഥാ​പ​ന​ങ്ങ​ളും തെ​രു​വു​നാ​യ്ക്ക​ളു​ടെ ക​ടി​യേ​റ്റ​വ​ർ​ക്ക് ന​ഷ്​​ട​പ​രി​ഹാ​ര തു​ക പ്ര​ഖ്യാ​പി​ക്കു​ക​യും ചെ​യ്ത സാ​ഹ​ച​ര്യം ഉ​ണ്ടാ​യി. പ​ദ്ധ​തി പ്രാ​വ​ർ​ത്തി​ക​മാ​ക്കാ​ൻ നി​ര​വ​ധി വെ​ല്ലു​വി​ളി​ക​ളു​ണ്ട്. പ​ദ്ധ​തി​യി​ലെ പോ​രാ​യ്മ​ക​ൾ പ​രി​ഹ​രി​ക്കാ​ൻ വാ​സ​ക്ട​മി കൊ​ണ്ട് സാ​ധി​ക്കു​മെ​ന്നാ​ണ് വെ​റ്റ​റി​ന​റി ഗൈ​ന​ക്കോ​ള​ജി​സ്​​റ്റ്​ ഡോ. ​സി. ഇ​ബ്രാ​ഹിം കു​ട്ടി പ​റ​യു​ന്ന​ത്.

എ.​ബി.​സി​യു​ടെ പോ​രാ​യ്മ​ക​ൾ

തെ​രു​വു​നാ​യ്ക്ക​ളെ പ്ര​ത്യേ​ക കേ​ന്ദ്ര​ത്തി​ലെ​ത്തി​ക്കു​ക​യും തു​ട​ർ​ന്ന് ശ​സ്ത്ര​ക്രി​യ​ക്കും തു​ട​ർ​പ​രി​ച​ര​ണ​ത്തി​നും ശേ​ഷം തി​രി​ച്ചു​വി​ടു​ക​യും ചെ​യ്യു​ന്ന​താ​ണ് എ.​ബി.​സി പ​ദ്ധ​തി. ശ​സ്ത്ര​ക്രി​യ വ​ഴി ആ​ണിെൻറ വൃ​ഷ​ണ​ങ്ങ​ളും പെ​ണ്ണിെൻറ ഗ​ർ​ഭ​പാ​ത്ര​വും നീ​ക്കം ചെ​യ്യു​ന്ന​തി​ലൂ​ടെ പ്ര​ത്യു​ൽ​പാ​ദ​നം ത​ട​യു​ക​യാ​ണ്. എ​ന്നാ​ൽ, പ​ദ്ധ​തി കൊ​ണ്ട് തെ​രു​വു​നാ​യ്ക്ക​ളു​ടെ എ​ണ്ണം കു​റ​ക്കാ​നോ അ​വ​യു​ടെ ആ​ക്ര​മ​ണ സ്വ​ഭാ​വ​ത്തി​ന് മാ​റ്റം വ​രു​ത്താ​നോ സാ​ധി​ക്കു​ന്നി​ല്ലെ​ന്നാ​ണ് പ​രാ​തി ഉ​യ​രു​ന്ന​ത്.

ഇ​തി​നു പു​റ​മെ ഭൗ​തി​ക സൗ​ക​ര്യ​ങ്ങ​ൾക്കും അ​നു​ബ​ന്ധ കാര്യങ്ങൾക്കുമുള്ള ഭാ​രി​ച്ച ചെ​ല​വു​ക​ളും കാ​ര​ണം പ​ല ത​ദ്ദേ​ശ സ്ഥാ​പ​ന​ങ്ങ​ൾ​ക്കും എ.​ബി.​സി പ​ദ്ധ​തി ന​ട​പ്പാ​ക്കാ​നും സാ​ധി​ക്കു​ന്നി​ല്ല. ശ​സ്ത്ര​ക്രി​യ​ക്ക് ശേ​ഷം മു​റി​വ് ഉ​ണ​ങ്ങാൻ അ​ഞ്ച് ദി​വ​സം​വ​രെ നാ​യ്ക്ക​ളെ സം​ര​ക്ഷി​ക്ക​ണം. ഇ​തി​നാ​യി പു​തി​യ കെ​ട്ടി​ടം പ​ണി​യ​ണം. ഈ ​നി​ബ​ന്ധ​ന​ക​ളെ​ല്ലാം പാ​ലി​ക്കാ​ൻ പ​ല​പ്പോ​ഴും ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ക​ഴി​യാ​റി​ല്ല.

90 ശ​ത​മാ​നം പ​ട്ടി​ക​ളെ പി​ടി​ച്ച് വ​ന്ധ‍്യം​ക​രി​ച്ചാ​ൽ മാ​ത്ര​മേ പ​ദ്ധ​തി ന​ട​പ്പാ​ക്കു​ന്ന​ത് കൊ​ണ്ട് കാ​ര്യ​മു​ള്ളൂ. ഇ​ത് പ്രാ​യോ​ഗി​ക​മ​ല്ല. ഇ​തി​നെ​ല്ലാം പ​രി​ഹാ​ര​മെ​ന്ന ത​ര​ത്തി​ലാ​ണ് വാ​സ​ക്ട​മി എ​ന്ന ആ​ശ​യം മു​ന്നോ​ട്ട് വെ​ക്കു​ന്ന​ത്.

വാ​സ​ക്ട​മി കൂടുതൽ പ്രായോഗികം

വാ​സ​ക്ട​മി വ​ള​രെ ല​ളി​ത​മാ​യി ചെ​യ്യാ​വു​ന്ന ബാ​ഹ്യ ശ​സ്ത​ക്രി​യ​യാ​ണ്. നാ​യ്ക്ക​ളു​ടെ വൃ​ഷ്ണ​ങ്ങ​ൾ​ക്ക് കേ​ടു​പാ​ടു കൂ​ടാ​തെ വൃ​ഷ്ണ സ​ഞ്ചി​യു​ടെ മേ​ൽ​ഭാ​ഗ​ത്ത് 0.5 സെൻറീ മീ​റ്റ​ർ വ​ലി​പ്പ​ത്തി​ലു​ള്ള മു​റി​വു​ണ്ടാ​ക്കി ബീ​ജ​വാ​ഹി​നി കു​ഴ​ൽ മു​റി​ക്കു​ക​യാ​ണ് ഇ​തി​ൽ ചെ​യ്യു​ന്ന​ത്. അ​ഞ്ച് മി​നി​റ്റി​ന​കം അ​നാ​യാ​സം ചെ​യ്യാ​വു​ന്ന ചെ​ല​വു കു​റ​ഞ്ഞ ശ​സ്ത്ര​ക്രി​യ​യാ​ണ് വാ​സ​ക്ട​മി. കൂ​ടാ​തെ ശ​സ്ത്ര​ക്രി​യ​ക്ക് മു​മ്പോ ശേ​ഷ​മോ പ്ര​ത്യേ​ക പ​രി​ച​ര​ണ​വും വേ​ണ്ട എ​ന്ന​തി​നാ​ൽ ഈ ​രീ​തി​ ഏറെ പ്രാ​യോ​ഗി​ക​മാണ്. കൂ​ടാ​തെ വാ​സ​ക്ട​മി ചെ​യ്യു​ന്ന​തി​ന് നാ​യ്ക്ക​ളെ പി​ടി​കൂ​ടേ​ണ്ട​ത് അ​നി​വാ​ര്യ​മാ​ണെ​ങ്കി​ലും ആ​ണി​നെ മാ​ത്ര​മാ​ണ് പി​ടി​ക്കേ​ണ്ട​ത് എ​ന്ന​തും മു​ഴു​വ​ൻ ആ​ണി​നെ​യും പി​ടി​ക്കേ​ണ്ട​തി​ല്ല എ​ന്ന​തും ഈ ​രീ​തി എ​ളു​പ്പമാക്കു​ന്നു.ഇ​തി​നു പു​റ​മെ വാ​സ​ക്ട​മി​ക്ക് വി​ധേ​യ​മാ​ക്ക​പ്പെ​ട്ട നാ​യ്ക്ക​ളെ ഉ​പ​യോ​ഗി​ച്ച് മ​റ്റു നാ​യ്ക്ക​ളു​ടെ പ്ര​ജ​ന​നം നി​യ​ന്ത്രി​ക്കു​ന്ന​താ​ണ് ഈ ​രീ​തി​യു​ടെ അ​ടി​സ്ഥാ​ന ത​ത്വം. മ​ല​പ്പു​റം ഒ​തു​ക്കു​ങ്ങ​ൽ സ്വ​ദേ​ശി​യാ​യ ഡോ. ​ഇ​ബ്രാ​ഹിം കു​ട്ടി മു​ന്നോ​ട്ടു​വെ​ച്ച ആ​ശ​യം സ​ർ​ക്കാ​റി​ന് മു​ന്നി​ൽ സ​മ​ർ​പ്പി​ച്ചി​ട്ടു​ണ്ട്.