പണിയില്ലാതായപ്പോൾ ഹെ​വി ഡ്രൈ​വ​ർ​മാ​ർ മ​ണ്ണി​ലി​റ​ങ്ങി; കൃ​ഷി ടോ​പ് ഗി​യ​റി​ൽ

എ​ട​വ​ണ്ണ: കോ​വി​ഡി​നെ​ത്തു​ട​ർ​ന്ന് പ്ര​തി​സ​ന്ധി​യി​ലാ​യ വാ​ഹ​ന ഡ്രൈ​വ​ർ​മാ​ർ കൃ​ഷി​യി​ട​ത്തി​ലി​റ​ങ്ങി. എ​ട​വ​ണ്ണ പ​ടി​ഞ്ഞാ​റെ ചാ​ത്ത​ല്ലൂ​ർ മേ​ഖ​ല​യി​ലെ ഹെ​വി വാ​ഹ​ന ഡ്രൈ​വ​ർ​മാ​രാ​ണ് മ​ണ്ണി​ലി​റ​ങ്ങി​യ​ത്.

പ​ടി​ഞ്ഞാ​റെ ചാ​ത്ത​ല്ലൂ​ർ സ്വ​ദേ​ശി​ക​ളാ​യ പാ​റ​ക്ക​ൽ ആ​ഷി​ക്, മു​ള്ള​ശേ

​രി സ​ക്കീ​ർ, പ്ര​വാ​സി​യാ​യ പു​വ​ത്തി​കു​ന്നു​മ്മ​ൽ അ​ശോ​ക​ൻ എ​ന്നി​വ​രാ​ണ് കൂ​ട്ടു​കൃ​ഷി​യി​ൽ ഇ​റ​ങ്ങി​യ​ത്. മൂ​ന്ന് ഏ​ക്ക​ർ കൃ​ഷി​ഭൂ​മി​ലാ​ണ് പ​യ​ർ, ചേ​ന, മു​ള​ക്, ചോ​ളം, ചേ​മ്പ്, ഇ​ഞ്ചി, മ​ഞ്ഞ​ൾ, വെ​ള്ള​രി തു​ട​ങ്ങി​യ പ​ച്ച​ക്ക​റി​ക​ൾ കൃ​ഷി ചെ​യ്യു​ന്ന​ത്.

കോ​വി​ഡ് നി​യ​ന്ത്ര​ണ​ങ്ങ​ൾ വ​ന്ന​തോ​ടെ വാ​ഹ​ന​ങ്ങ​ൾ​ക്ക് ഓ​ട്ടം ഇ​ല്ലാ​താ​യ​തോ​ടെ​യാ​ണ് കൃ​ഷി​രം​ഗ​ത്തേ​ക്ക് ഇ​റ​ങ്ങി​യ​തെ​ന്ന് ആ​ഷി​ക് പ​റ​ഞ്ഞു. ക​ഴി​ഞ്ഞ​മാ​സം പെ​യ്ത ക​ന​ത്ത മ​ഴ​യി​ലും കാ​റ്റി​ലും കൃ​ഷി​യി​ട​ത്തി​ൽ നാ​ശ​ന​ഷ്​​ട​ങ്ങ​ൾ സം​ഭ​വി​ച്ചു.

കൃ​ഷി​യി​ട​ത്തി​ൽ വ​ന്യ​മൃ​ഗ ശ​ല്യം ഉ​ണ്ടെ​ങ്കി​ലും അ​തി​നെ നേ​രി​ടാ​ൻ വ്യ​ത്യ​സ്ത മാ​ർ​ഗ​ങ്ങ​ളും ഇ​വി​ടെ ഒ​രു​ക്കി​യി​ട്ടു​ണ്ട്. പ്ര​തി​സ​ന്ധി​ക​ൾ മാ​റി വാ​ഹ​ന​ങ്ങ​ൾ​ക്ക് ഓ​ട്ടം തു​ട​ങ്ങി​യാ​ലും ഈ ​കൂ​ട്ടു​കൃ​ഷി തു​ട​ർ​ന്നു​പോ​കാ​നാ​ണ് ആ​ഗ്ര​ഹ​മെ​ന്ന് പ്ര​വാ​സി കൂ​ടി​യാ​യ അ​ശോ​ക​ൻ പ​റ​ഞ്ഞു.