ഭിന്നശേഷി വിവാഹാലോചന സംഗമം മന്ത്രി മുഹമ്മദ് റിയാസ് ഉദ്ഘാടനം ചെയ്തു കൊണ്ടോട്ടി: ജീവിതയാത്രയിൽ പുതുപ്രതീക്ഷയുമായി പുളിക്കൽ എബിലിറ്റിയിൽ നടന്ന ഭിന്നശേഷി വിവാഹാലോചന സംഗമത്തിനെത്തിയത് ആയിരങ്ങൾ. ജീവിതപങ്കാളിയെ കണ്ടെത്തിയും പുതിയ തീരുമാനങ്ങളെടുത്തുമാണ് 'പൊരുത്തം 2022'സംഗമത്തിനുശേഷം അവർ മടങ്ങിയത്. അവിവാഹിതരായ ഭിന്നശേഷിക്കാര്ക്കും വിവാഹം ചെയ്യാന് ആഗ്രഹിക്കുന്നവര്ക്കും ജാതി, മതഭേദമന്യേയുള്ള അവസരമാണ് സംഗമത്തില് ഒരുക്കിയത്. പ്രത്യേക കൗണ്സലിങ് സംവിധാനവും സംഘാടകര് ഒരുക്കിയിയുന്നു. വനിതകളടക്കം നാനൂറിലധികം വളന്റിയേഴ്സും ട്രോമാകെയർ പ്രവർത്തകരും ഭിന്നശേഷിക്കാരെ സഹായിക്കാനുണ്ടായിരുന്നു. ക്യാമ്പില് പങ്കെടുക്കാന് വരുന്നവര്ക്ക് വാഹന സൗകര്യവും ഏര്പ്പെടുത്തിയിരുന്നു. മന്ത്രി പി.എ. മുഹമ്മദ് റിയാസ് ഉദ്ഘാടനം നിർവഹിച്ചു. എബിലിറ്റി ഫൗണ്ടേഷൻ ചെയർമാൻ കെ. അഹമ്മദ് കുട്ടി അധ്യക്ഷത വഹിച്ചു. മലപ്പുറം ജില്ല പഞ്ചായത്ത് അംഗം പി.കെ.സി. അബ്ദുറഹിമാൻ, പുളിക്കൽ ഗ്രാമപഞ്ചായത്ത് പ്രസിഡൻറ് കെ.കെ. മുഹമ്മദ് മാസ്റ്റർ, കൊണ്ടോട്ടി ബ്ലോക്ക് പഞ്ചായത്ത് പ്രസിഡന്റ് സജിനി ഉണ്ണി, ഡോ. യു.പി. യഹ്യ ഖാൻ, എൻ.എം. അബ്ദുൽ ജലീൽ, ഡോ. അൻവർ സാദത്ത് തുടങ്ങിയവർ സംസാരിച്ചു. തസ്ലിം, ജി. അനൂപ് കുമാർ, അഡ്വ. യൂനുസ് സലീം, ഡോ. പി.എൻ. അബ്ദുൽ അഹദ് മദനി, അബ്ദുല്ലത്തീഫ് കായൽമഠത്തിൽ, ജമാൽ പുളിക്കൽ, നസീം മടവൂർ, സലാം വാഴക്കാട്, സി.എച്ച്. മൊയ്തീൻ കുട്ടി തുടങ്ങിയവർ നേതൃത്വം നൽകി. mpg kdy 1 porutham: ഭിന്നശേഷിക്കാരുടെ വിവാഹാലോചന സംഗമം പുളിക്കൽ എബിലിറ്റിയിൽ മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.