ജ​ൽ ജീ​വ​ൻ: പൊ​ളി​ച്ച റോ​ഡു​ക​ൾ ത​ക​ർ​ന്നു​ത​ന്നെ

തി​രു​വ​മ്പാ​ടി: ജ​ൽ ജീ​വ​ൻ മി​ഷ​ൻ പ​ദ്ധ​തി​ക്കാ​യി പൊ​ളി​ച്ച മ​ല​യോ​ര മേ​ഖ​ല​യി​ലെ പ്ര​ധാ​ന റോ​ഡു​ക​ൾ ത​ക​ർ​ന്നു​ത​ന്നെ. പൊ​തു​മ​രാ​മ​ത്ത്, ഗ്രാ​മ​പ​ഞ്ചാ​യ​ത്ത്, ജി​ല്ല പ​ഞ്ചാ​യ​ത്ത് റോ​ഡു​ക​ൾ ഉ​ൾ​പ്പെ​ടെ​യാ​ണ് ത​ക​ർ​ന്നു​കി​ട​ക്കു​ന്ന​ത്.

ന​വീ​ക​ര​ണ പ്ര​വൃ​ത്തി പൂ​ർ​ത്തി​യാ​ക​വെ പൊ​ളി​ച്ച റോ​ഡു​ക​ളാ​ണ് അ​ഗ​സ്ത്യ​ൻ​മു​ഴി-​കൈ​ത​പ്പൊ​യി​ൽ പാ​ത​യും മ​ല​യോ​ര ഹൈ​വേ​യു​ടെ കോ​ട​ഞ്ചേ​രി- ക​ക്കാ​ടം​പൊ​യി​ൽ റീ​ച്ചി​ന്റെ ഭാ​ഗ​ങ്ങ​ളും. പൂ​ർ​ണ​മാ​യി പ്ര​വൃ​ത്തി പൂ​ർ​ത്തി​യാ​യ ശേ​ഷ​മാ​ണ് തി​രു​വ​മ്പാ​ടി-​പു​ന്ന​ക്ക​ൽ റോ​ഡ് ജ​ൽ ജീ​വ​ൻ പ​ദ്ധ​തി​ക്കാ​യി പൊ​ളി​ച്ച​ത്. പ​ത്തു മാ​സം മു​മ്പ് ജ​ൽ ജീ​വ​ൻ മി​ഷ​ൻ പ​ദ്ധ​തി​യു​ടെ പൈ​പ്പി​ടാ​ൻ കു​ഴി​ച്ച റോ​ഡു​ക​ളി​ൽ ടാ​റി​ങ് പ്ര​വൃ​ത്തി ഇ​തു​വ​രെ ന​ട​ത്തി​യി​ട്ടി​ല്ല. അ​ഗ​സ്ത്യ​ൻ​മു​ഴി-​കൈ​ത​പ്പൊ​യി​ൽ റോ​ഡി​ന്റെ ഭാ​ഗ​മാ​യ തി​രു​വ​മ്പാ​ടി ടൗ​ൺ റോ​ഡി​ൽ പൈ​പ്പി​ട​ൽ പൂ​ർ​ത്തി​യാ​യി​ട്ടി​ല്ല. തി​ര​ക്കേ​റി​യ ടൗ​ണി​ലെ റോ​ഡ് കു​ഴി​ച്ച് ആ​ഴ​മേ​റി​യ ചാ​ലു​ണ്ടാ​ക്കി ആ​ഴ്ച​ക​ളോ​ളം മ​ണ്ണി​ട്ടു​മൂ​ടാ​തി​രി​ക്കു​ന്ന​ത് വ്യാ​പാ​രി​ക​ൾ​ക്കും കാ​ൽ​ന​ട​ക്കാ​ർ​ക്കും ദു​രി​ത​മാ​യി.

2018 സെ​പ്റ്റം​ബ​റി​ൽ ന​വീ​ക​ര​ണ പ്ര​വൃ​ത്തി ഉ​ദ്ഘാ​ട​നം നി​ർ​വ​ഹി​ച്ച അ​ഗ​സ്ത്യ​ൻ​മു​ഴി-​കൈ​ത​പ്പൊ​യി​ൽ റോ​ഡ് നി​ർ​മാ​ണ പ്ര​വൃ​ത്തി​യു​ടെ ആ​ദ്യ എ​സ്റ്റി​മേ​റ്റി​ൽ കേ​ബ്ൾ ചാ​ൽ സം​വി​ധാ​ന​മു​ണ്ടാ​യി​രു​ന്നു. 13 കോ​ടി രൂ​പ കേ​ബ്ൾ ചാ​ൽ പ്ര​വൃ​ത്തി​ക്കാ​യി വ​ക​യി​രു​ത്തി​യി​രു​ന്നു. കു​ടി​വെ​ള്ള പൈ​പ്പു​ക​ൾ, ടെ​ലി​ഫോ​ൺ കേ​ബ്ൾ ഉ​ൾ​പ്പെ​ടെ​യു​ള്ള​വ റോ​ഡ് പൊ​ളി​ക്കാ​തെ കേ​ബ്ൾ ചാ​ൽ വ​ഴി കൊ​ണ്ടു​പോ​കാ​മാ​യി​രു​ന്നു. എ​ന്നാ​ൽ, കേ​ബ്ൾ ചാ​ൽ സം​വി​ധാ​നം ഒ​ഴി​വാ​ക്കി​യാ​ണ് റോ​ഡ് പ്ര​വൃ​ത്തി ന​ട​ത്തി​യ​ത്.

കേ​ബ്ൾ ചാ​ൽ ഒ​ഴി​വാ​ക്കി​യ​തി​ന്റെ പേ​രി​ൽ മു​ൻ എം.​എ​ൽ.​എ ജോ​ർ​ജ് എം. ​തോ​മ​സ് അ​ഴി​മ​തി ആ​രോ​പ​ണം നേ​രി​ട്ടി​രു​ന്നു. ജ​ൽ ജീ​വ​ൻ മി​ഷ​നു​വേ​ണ്ടി പൊ​ളി​ച്ച റോ​ഡു​ക​ൾ കാ​ല​വ​ർ​ഷ​ത്തി​ന് മു​മ്പ് ടാ​റി​ങ് ന​ട​ത്താ​ത്ത​പ​ക്ഷം അ​പ​ക​ട​ക്കെ​ണി​യാ​യി മാ​റും. ജ​ൽ ജീ​വ​ൻ മി​ഷ​ൻ പ​ദ്ധ​തി പു​രോ​ഗ​തി വി​ല​യി​രു​ത്താ​ൻ അ​വ​ലോ​ക​ന യോ​ഗം ന​ട​ന്നി​ട്ട് ഏ​റെ നാ​ളു​ക​ളാ​യെ​ന്ന് ആ​ക്ഷേ​പ​മു​ണ്ട്. തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ട​വും റോ​ഡ് പ്ര​വൃ​ത്തി​ക​ൾ മ​ന്ദ​ഗ​തി​യി​ലാ​ക്കി​യി​ട്ടു​ണ്ട്.