വ​ര​ൾ​ച്ച, കു​ടി​വെ​ള്ള​ക്ഷാ​മം; മ​ല​യോ​ര മേ​ഖ​ല പ്ര​തി​സ​ന്ധി​യി​ൽ

തി​രു​വ​മ്പാ​ടി: നാ​ലു മാ​സ​മാ​യി മ​ഴ പെ​യ്യാ​ത്ത മ​ല​യോ​ര മേ​ഖ​ല വ​ര​ൾ​ച്ച​യി​ലേ​ക്ക്. ക​ഴി​ഞ്ഞ ദി​വ​സ​ങ്ങ​ളി​ൽ ചി​ല പ്ര​ദേ​ശ​ങ്ങ​ളി​ൽ നാ​മ​മാ​ത്ര​മാ​യി മ​ഴ പെ​യ്ത​ത് വ​ര​ൾ​ച്ച​ക്ക് ഒ​ട്ടും ആ​ശ്വാ​സ​മാ​യി​ല്ല. ഇ​തോ​ടെ മേ​ഖ​ല​യി​ൽ കു​ടി​വെ​ള്ള​ക്ഷാ​മ​വും രൂ​ക്ഷ​മാ​യി.

തി​രു​വ​മ്പാ​ടി, കൂ​ട​ര​ഞ്ഞി ഗ്രാ​മ​പ​ഞ്ചാ​യ​ത്തു​ക​ളി​ൽ വാ​ഹ​ന​ങ്ങ​ളി​ൽ ജ​ല​വി​ത​ര​ണം ന​ട​ക്കു​ന്നു​ണ്ട്. ജ​ല​ക്ഷാ​മം അ​നു​ഭ​വി​ക്കു​ന്ന എ​ല്ലാ പ്ര​ദേ​ശ​ങ്ങ​ളി​ലും വെ​ള്ള​മെ​ത്തു​ന്നി​ല്ലെ​ന്ന് പ​രാ​തി​യു​ണ്ട്. ജ​ല അ​തോ​റി​റ്റി കു​ടി​വെ​ള്ള വി​ത​ര​ണ​വും പേ​രി​ന് മാ​ത്ര​മാ​ണു​ള്ള​ത്. തി​രു​വ​മ്പാ​ടി ഗ്രാ​മ​പ​ഞ്ചാ​യ​ത്തി​ൽ കു​ടി​വെ​ള്ള ക്ഷാ​മ​ത്തെ​ത്തു​ട​ർ​ന്ന് ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി അ​ടി​യ​ന്തി​ര യോ​ഗം ചേ​ർ​ന്നു.

നി​ല​വി​ൽ കു​ടി​വെ​ള്ള ക്ഷാ​മം നേ​രി​ടു​ന്ന പ്ര​ദേ​ശ​ങ്ങ​ളി​ലേ​ക്ക് മ​റി​യ​പു​ര​ത്തെ സ്വ​കാ​ര്യ ജ​ല​സ്രോ​ത​സ്സി​ൽ​നി​ന്നാ​ണ് വാ​ഹ​ന​ത്തി​ൽ ജ​ല​വി​ത​ര​ണം ന​ട​ത്തി​യി​രു​ന്ന​ത്. ഇ​വി​ടെ വെ​ള്ള​ത്തി​ന്റെ അ​ള​വ് കു​റ​ഞ്ഞു​വ​രു​ക​യാ​ണ്. കാ​ളി​യാം​പു​ഴ​യി​ലെ ജ​ല​സ്രോ​ത​സ്സ്, അ​ത്തി​പ്പാ​റ കു​ടി​വെ​ള്ള പ​ദ്ധ​തി കി​ണ​ർ, മു​ള​ങ്ക​ട​വ് ജ​ല​നി​ധി കു​ളം, ഇ​രു​മ്പ​ക​ത്തെ ജ​ല​നി​ധി കു​ളം എ​ന്നി​വ അ​ധി​ക ജ​ല​സ്രോ​ത​സ്സു​ക​ളാ​യി ക​ണ്ടെ​ത്താ​ൻ ഭ​ര​ണ​സ​മി​തി തീ​രു​മാ​നി​ച്ചു.

ഇ​രു​വ​ഴി​ഞ്ഞി​പ്പു​ഴ, പൊ​യി​ലി​ങ്ങാ​പു​ഴ, തോ​ടു​ക​ൾ, പൊ​തു ജ​ല​സ്രോ​ത​സ്സു​ക​ൾ എ​ന്നി​വി​ട​ങ്ങ​ളി​ൽ​നി​ന്ന് സ്വ​കാ​ര്യ ആ​വ​ശ്യ​ത്തി​നാ​യി മോ​ട്ടോ​ർ സ്ഥാ​പി​ച്ച് വെ​ള്ളം പ​മ്പ് ചെ​യ്യു​ന്ന​ത് നി​രോ​ധി​ച്ചു.

ഗ്രാ​മ​പ​ഞ്ചാ​യ​ത്തി​ലെ പൊ​തു ജ​ല​സ്രോ​ത​സ്സു​ക​ളി​ൽ സ്ഥാ​പി​ച്ച മോ​ട്ടോ​റു​ക​ൾ ഉ​ട​ൻ എ​ടു​ത്തു​മാ​റ്റാ​ത്ത​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കും. കൂ​ട​ര​ഞ്ഞി ഗ്രാ​മ​പ​ഞ്ചാ​യ​ത്തി​ൽ മു​ഴു​വ​ൻ വാ​ർ​ഡു​ക​ളി​ലു​മാ​യി പ്ര​തി​ദി​നം ല​ക്ഷം ലി​റ്റ​ർ കു​ടി​വെ​ള്ളം വി​ത​ര​ണം ചെ​യ്യു​ന്നു​ണ്ടെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് ആ​ദ​ർ​ശ് ജോ​സ​ഫ് പ​റ​ഞ്ഞു.

വരൾച്ച: തൊട്ടിൽപാലം പുഴയുടെ ഒഴുക്ക് നിലക്കുന്നു

കു​റ്റ്യാ​ടി: ക​ന​ത്ത ചൂ​ടി​ൽ കു​റ്റ്യാ​ടി പു​ഴ​യു​ടെ പ്ര​ധാ​ന പോ​ഷ​ക​ന​ദി​യാ​യ തൊ​ട്ടി​ൽ​പാ​ലം പു​ഴയുടെ ഒ​ഴു​ക്കു​നി​ല​ക്കുന്നു. തൊ​ട്ടി​ൽ​പാ​ലം ടൗ​ണി​ന്​ സ​മീ​പ​മാ​ണ്​ വെ​ള്ളം വ​റ്റി​യ നി​ല​യി​ൽ കാ​ണ​പ്പെ​ടു​ന്ന​ത്. തൊ​ട്ടി​ൽ​പാ​ലം പു​ഴ​യു​ടെ പോ​ഷ​ക ന​ദി​ക​ളാ​യ പാ​ട്യാ​ട്ട്​ പു​ഴ, ക​രി​ങ്ങാ​ട്​ പു​ഴ എ​ന്നി​വ നേ​ര​ത്തെ വ​റ്റി​യി​രു​ന്നു.

പു​ഴ​യി​ൽ വോ​ട്ടോ​റ കു​ടി​വെ​ള്ള പ​ദ്ധ​തി, തൊ​ട്ടി​ൽ​പാ​ലം കു​ടി​വെ​ള്ള പ​ദ്ധ​തി എ​ന്നി​വ​ക്കു​വേ​ണ്ടി​യ​ ബ​ണ്ടു​ക​ൾ സ്ഥാ​പി​ച്ചി​ട്ടു​ണ്ട്. കു​റ്റ്യാ​ടി ജ​ല​സേ​ച​ന പ​ദ്ധ​തി ക​നാ​ലി​ലെ ചോ​ർ​ച്ച​മൂ​ലം പു​ഴ​യി​ൽ വെ​ള്ളം എ​ത്തു​ന്ന​തി​നാ​ലാ​ണ്​ അ​ൽ​പ​മെ​ങ്കി​ലും ആ​ശ്വാ​സം ല​ഭി​ക്കു​ന്ന​ത്.