മാധ്യമം വെളിച്ചം ഫ്രീഡം ക്വിസ്; ഷെസ സമീർ ആദ്യ വിജയി

കോഴിക്കോട്: സ്വാതന്ത്ര്യദിന ആഘോഷവുമായി ബന്ധപ്പെട്ട് മാധ്യമം വെളിച്ചം ക്രേസ് ബിസ്കറ്റുമായി ചേർന്നൊരുക്കുന്ന ‘ഫ്രീഡം ക്വിസി’ലെ ആഗസ്റ്റ് ഒന്നിലെ ‘ഡെയ്‍ലി​ വിന്നറി’നെ പ്രഖ്യാപിച്ചു. പൂക്കാട്ടിരി സഫ ഇംഗ്ലീഷ് സ്കൂളിലെ ഷെസ സമീർ ആണ് സമ്മാനത്തിന് അർഹയായത്. ഇന്ത്യൻ ചരിത്രം, സ്വാതന്ത്ര്യ സമരം, സ്വാതന്ത്ര്യ സമര സേനാനികൾ എന്നിവയെക്കുറിച്ച് അറിവും അവബോധവും വർധിപ്പിക്കുന്നതിനായി വിദ്യാർഥികൾക്കായാണ് മത്സരം സംഘടിപ്പിക്കുന്നത്.

പത്തുദിവസം നീളുന്ന മത്സരത്തിൽ വിജയിക്കുന്നവർക്ക് ആകർഷകമായ സമ്മാനങ്ങളാണ് കാത്തിരിക്കുന്നത്. കൂടാതെ തെരഞ്ഞെടുക്കപ്പെടുന്നവർക്ക് ആഗസ്റ്റ് 15ന് ലുലുവിൽ ഗ്രാൻഡ് ഫിനാലെയും അരങ്ങേറും.

വിദ്യാർഥികൾക്ക് ഓൺലൈനായി ഓരോ ദിവസത്തെ ചോദ്യങ്ങൾക്കും ശരിയുത്തരം അയക്കാം. സ്കൂൾ വിദ്യാർഥികളിൽ സ്വാതന്ത്ര്യദിന അറിവും അവബോധവും വർധിപ്പിക്കുക എന്ന ലക്ഷ്യത്തോടെയാണ് ഫ്രീഡം ക്വിസ് സംഘടിപ്പിക്കുന്നത്. മാധ്യമം ദിനപത്രത്തിലും വെബ്സൈറ്റിലും പ്രസിദ്ധീകരിക്കുന്ന ചോദ്യങ്ങൾക്ക് ക്യു ആർ കോഡ് സ്കാൻ ചെയ്തോ https://www.madhyamam.com/quiz എന്ന ലിങ്ക് വഴിയോ ഉത്തരങ്ങൾ അയക്കാം. ചോദ്യത്തിന്റെ ഉത്തരത്തിനൊപ്പം പ​​ങ്കെടുക്കുന്നവരുടെ പേരും ഫോൺ നമ്പറും നൽകണം. വിവരങ്ങൾക്ക് +91 96450 09444 വിളിക്കുക.