കോഴിക്കോട്: ഇന്ത്യൻ ചരിത്രം, സ്വാതന്ത്ര്യ സമരം, സ്വാതന്ത്ര്യ സമര സേനാനികൾ എന്നിവയെക്കുറിച്ച് അറിവും അവബോധവും വർധിപ്പിക്കുന്നതിനായി മാധ്യമം വെളിച്ചം ക്രേസ് ബിസ്കറ്റുമായി ചേർന്നൊരുക്കുന്ന ‘ഫ്രീഡം ക്വിസി’ൽ വെള്ളിയാഴ്ച മുതൽ പങ്കെടുക്കാം. സ്വാതന്ത്ര്യദിനത്തോടനുബന്ധിച്ച് സ്കൂൾ വിദ്യാർഥികൾക്കായാണ് വെള്ളിയാഴ്ച മുതൽ ഈ മാസം 10 വരെ നീളുന്ന മത്സരം.
മത്സരത്തിൽ വിജയിക്കുന്നവർക്ക് ആകർഷകമായ സമ്മാനങ്ങളാണ് കാത്തിരിക്കുന്നത്. വിദ്യാർഥികൾക്ക് ഓൺലൈനായി ഓരോ ദിവസത്തെ ചോദ്യങ്ങൾക്കും ശരിയുത്തരം അയക്കാം. ഇതിൽ വിജയിക്കുന്നവർക്കായി ആഗസ്റ്റ് 15ന് കോഴിക്കോട് ലുലുവിൽ ഗ്രാൻഡ് ഫിനാലെ അരങ്ങേറും.
സ്കൂൾ വിദ്യാർഥികളിൽ സ്വാതന്ത്ര്യദിന അറിവും അവബോധവും വർധിപ്പിക്കുക എന്ന ലക്ഷ്യത്തോടെയാണ് ഫ്രീഡം ക്വിസ് സംഘടിപ്പിക്കുന്നത്. മാധ്യമം ദിനപത്രത്തിലും വെബ്സൈറ്റിലും പ്രസിദ്ധീകരിക്കുന്ന ചോദ്യങ്ങൾക്ക് ക്യു ആർ കോഡ് സ്കാൻ ചെയ്തോ https://www.madhyamam.com/quiz എന്ന ലിങ്ക് വഴിയോ ഉത്തരങ്ങൾ അയക്കാം. ചോദ്യത്തിന്റെ ഉത്തരത്തിനൊപ്പം പങ്കെടുക്കുന്നവരുടെ പേരും ഫോൺ നമ്പറും നൽകണം. വിവരങ്ങൾക്ക് +91 96450 09444 വിളിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.