കോഴിക്കോട്: മാധ്യമം വെളിച്ചം ക്രേസ് ബിസ്കറ്റുമായി ചേർന്നൊരുക്കുന്ന ‘ഫ്രീഡം ക്വിസി’ലെ ആഗസ്റ്റ് അഞ്ച്, ആറ്, ഏഴ് ദിവസങ്ങളിലെഴ്വിജയികളെ പ്രഖ്യാപിച്ചു. പാലക്കാട് ജി.എച്ച്.എസ് കൂടല്ലൂരിലെ ഒമ്പതാം ക്ലാസ് വിദ്യാർഥി നിധി കൃഷ്ണ ബി, എറണാകുളം ചെറുവട്ടൂർ അസ്ഹരിയ്യ സ്കൂളിലെ പ്ലസ് വൺ വിദ്യാർഥി മുഹമ്മദ് മിക്ദാദ് വി.എ, കൊല്ലം ഭൂതകുളം ജി.എച്ച്.എസ്.എസിലെ പ്ലസ് ടു വിദ്യാർഥി അർഷിദ എ. റഫീഖ് എന്നിവരാണ് വിജയികൾ.
സ്വാതന്ത്ര്യദിന ആഘോഷവുമായി ബന്ധപ്പെട്ട് വിദ്യാർഥികൾക്കായാണ് മത്സരം സംഘടിപ്പിക്കുന്നത്. ഇന്ത്യൻ ചരിത്രം, സ്വാതന്ത്ര്യ സമരം, സ്വാതന്ത്ര്യ സമര സേനാനികൾ എന്നിവയെക്കുറിച്ച് അറിവും അവബോധവും വർധിപ്പിക്കുന്നതിനായാണ് ഫ്രീഡം ക്വിസ് മത്സരം. പത്തുദിവസം നീളുന്ന മത്സരത്തിൽ വിജയിക്കുന്നവർക്ക് ആകർഷകമായ സമ്മാനങ്ങളാണ് കാത്തിരിക്കുന്നത്.
കൂടാതെ തെരഞ്ഞെടുക്കപ്പെടുന്നവർക്കായി ആഗസ്റ്റ് 15ന് ലുലുവിൽ ഗ്രാൻഡ് ഫിനാലെയും അരങ്ങേറും. ഗ്രാൻഡ് മാസ്റ്റർ ജി.എസ്. പ്രദീപ് ആയിരിക്കും ക്വിസ് മാസ്റ്റർ.വിദ്യാർഥികൾക്ക് ഓൺലൈനായി ഓരോ ദിവസത്തെ ചോദ്യങ്ങൾക്കും ശരിയുത്തരം അയക്കാം. സ്കൂൾ വിദ്യാർഥികളിൽ സ്വാതന്ത്ര്യദിന അറിവും അവബോധവും വർധിപ്പിക്കുക എന്ന ലക്ഷ്യത്തോടെയാണ് ഫ്രീഡം ക്വിസ് സംഘടിപ്പിക്കുന്നത്. മാധ്യമം ദിനപത്രത്തിലും വെബ്സൈറ്റിലും പ്രസിദ്ധീകരിക്കുന്ന ചോദ്യങ്ങൾക്ക് ക്യു ആർ കോഡ് സ്കാൻ ചെയ്തോ https://www.madhyamam.com/quiz എന്ന ലിങ്ക് വഴിയോ ഉത്തരങ്ങൾ അയക്കാം. ചോദ്യത്തിന്റെ ഉത്തരത്തിനൊപ്പം പങ്കെടുക്കുന്നവരുടെ പേരും ഫോൺ നമ്പറും നൽകണം. വിവരങ്ങൾക്ക് +91 96450 09444 വിളിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.