KC LEAD കു​റ്റിച്ചിറക്ക്​ ചുറ്റും കൂട്ടംകൂടുന്നത്​ തടഞ്ഞു

കോഴിക്കോട്​: കുറ്റിച്ചിറയിൽ കുളത്തി​ൻെറ കല്‍പടവിനോട് ചേര്‍ന്ന പരിസരത്ത് ആളുകള്‍ കൂട്ടംകൂടി നില്‍ക്കുന്നതും വിശ്രമിക്കുന്നതും വിലക്കി. കല്‍പടവിനോട് ചേര്‍ന്ന ഇരിപ്പിടങ്ങള്‍ കയര്‍കെട്ടി തിരിച്ച്​ സുരക്ഷാവലയം തീര്‍ത്തു. കോവിഡ് സമൂഹ വ്യാപനം തടയുന്നതി​ൻെറ ഭാഗമായാണ്​ നിയന്ത്രണം ഏർപ്പെടുത്തിയത്​. നടപടിക്രമങ്ങളോട് പൊതുജനം സഹകരിക്കണമെന്നും സമൂഹ വ്യാപനം തടയുന്നതിനായി പ്രദേശവാസികള്‍ ജാഗ്രത പുലര്‍ത്തണമെന്നും ആരോഗ്യ വിഭാഗം ഓര്‍മപ്പെടുത്തി. നടപടിക്രമങ്ങള്‍ക്ക് ടൗണ്‍ ജനമൈത്രി പൊലീസ് ബീറ്റ് ഓഫിസര്‍മാരായ സുനിത, അനൂജ്, ഹെല്‍ത്ത് ഇന്‍സ്‌പെക്ടര്‍ സുബൈര്‍, ജെ.എച്ച്.ഐ ദിനേശന്‍ എന്നിവര്‍ നേതൃത്വം നല്‍കി.