മടവൂർ: എസ്.എസ്.എൽ.സി പരീക്ഷാഫലം പുറത്തുവന്നപ്പോൾ മടവൂർ ചക്കാലക്കൽ ഹയർസെക്കൻഡറി സ്കൂളിനൊപ്പം ഒരു കുടുംബത്തിനും ഇത് ഇരട്ടി മധുരത്തിന്റെ നിമിഷമായി. സ്കൂളിലെ വിദ്യാർഥികളും ഇരട്ട സഹോദരങ്ങളുമായ അയാസ് മുഹമ്മദ്, അസിം മുഹമ്മദ് എന്നിവരാണ് എല്ലാ വിഷയങ്ങളിലും 'എ പ്ലസ്' നേടി ഉന്നത വിജയം കൈവരിച്ചത്.
നരിക്കുനി കൊട്ടയോട്ട് താഴം സ്വദേശികളായ അധ്യാപക ദമ്പതികളുടെ മക്കളാണ് ഈ മിടുക്കന്മാർ. പന്നൂർ ജി.എച്ച്.എസ്.എസ് അധ്യാപകനായ ഒ.കെ. ജിഷാദിന്റെയും മാക്കൂട്ടം എ.യു.പി. സ്കൂൾ അധ്യാപികയായ ഷബ്നയുടെയും മക്കളായ അയാസും അസിമും എട്ടാം ക്ലാസ് മുതലാണ് ചക്കാലക്കൽ ഹയർസെക്കൻഡറി സ്കൂളിൽ പഠനം ആരംഭിച്ചത്. പഠനത്തിലും മറ്റു പ്രവർത്തനങ്ങളിലും ഒരേപോലെ മികവ് പുലർത്തിയ ഇരുവരും സ്കൂളിനും നാടിനും അഭിമാനമായി മാറി. ഐസ എൽഹാം ഇവരുടെ സഹോദരിയാണ്. മികച്ച വിജയം കൈവരിച്ച ഇരട്ട സഹോദരങ്ങളെ സ്കൂൾ അധികൃതരും നാട്ടുകാരും അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.