കോവിഡ്​ മാന്ദ്യം കഴിഞ്ഞു; ഹോട്ടലുകൾ സജീവം

കോഴി​ക്കോട്​: കോവിഡ്​ നിയന്ത്രണങ്ങൾക്ക്​ ഇളവുവന്നതോടെ ഹോട്ടലുകളും റസ്​റ്റാറൻറുകളും സജീവമായി. ഇരുന്ന്​ ഭക്ഷണം കഴിക്കാമെന്ന ഉത്തരവ്​ വന്നതോടെ​ ഹോട്ടലുകളിൽ തിരക്കു കൂടി. ​ ലോക്​ഡൗണിൽ ഹോട്ടലുകൾ അടച്ചിരുന്നു. ഇളവ്​ പ്രഖ്യാപിച്ചപ്പോൾ ആദ്യം പാർസലുകൾക്ക്​ മാത്രമായിരുന്നു അനുമതി. കോവിഡ്​ കാലത്ത്​ രൂക്ഷമായ അറുതി നേരിട്ടതോടെ​ പല ഹോട്ടലുകളും പൂട്ടിപ്പോയി. ജില്ലയിൽ 25 ശതമാനത്തോളം ഇടത്തരം ഹോട്ടലുകൾ പൂട്ടിയതായി ഹോട്ടൽ ആൻഡ്​​ റസ്​റ്റാറൻറ്​ ​അ​േസാസിയേഷൻ ജില്ല പ്രസിഡൻറ്​ മുഹമ്മദ്​ സുഹൈൽ പറഞ്ഞു. കോവിഡ്​ ഭീതി ആളുകളിൽനിന്ന്​ വിട്ടകന്നതോ​െടയാണ്​ ഹോട്ടലുകൾ പഴയപോലെ സജീവമായത്​. കോവിഡിനു മുമ്പുണ്ടായിരുന്നതി​‍ൻെറ 70 ശതമാനം ആളുകൾ ഇപ്പോൾ ഹോട്ടലുകളിൽ എത്താൻ തുടങ്ങിയിട്ടുണ്ടെന്ന്​ ഉടമകൾ പറയുന്നു. ഈ ഉണർവിൽ പ്രതീക്ഷയിലാണ്​ ഉടമകൾ. സ്​കൂളുകളും കോളജുകളും ബസുകളും ട്രെയിനുകളും പഴയപോലെ ആയാൽ ആളുകൾ പഴയപോലെ എത്തുമെന്നും കണക്കുകൂട്ടുന്നു.