യുവാവിനെ വെട്ടിപ്പരിക്കേൽപിച്ച സംഭവം: രണ്ട്​ പ്രതികൾ അറസ്​റ്റിൽ

കടുത്തുരുത്തി: ഷാപ്പിലെ തർക്കം പറഞ്ഞുതീർക്കാൻ എത്തിയ യുവാവിനെ വെട്ടിപ്പരിക്കേൽപിച്ച സംഭവത്തിൽ രണ്ട് പ്രതികൾ അറസ്​റ്റിലായി. കല്ലറ മുണ്ടാർപാറയിൽ ശ്രീകാന്ത് (24), അരുൺകുമാർ (മുത്ത് 30) എന്നിവരെയാണ് കടുത്തുരുത്തി പൊലീസ് അറസ്​റ്റ്​ ചെയ്തത്. കഴിഞ്ഞ ദിവസമായിരുന്നു കേസിനാസ്പദമായ സംഭവം.

നീണ്ടൂർ മുണ്ടാറിലെ ഷാപ്പിൽ പ്രതികളും പ്രദേശവാസികളുമായി തർക്കമുണ്ടായി. പറഞ്ഞുതീർക്കാൻ എത്തിയ യുവാക്കളുമായി പ്രതികൾ ഷാപ്പിനുള്ളിൽ​െവച്ച് ഏറ്റുമുട്ടി. ഇവിടെവെച്ച് പ്രതികൾക്ക് മർദനമേറ്റു. അവിടെനിന്ന്​ കടന്ന ശ്രീകാന്തും അരുണും ബന്ധുക്കൾക്കും സഹോദരങ്ങൾക്കുമൊപ്പം മറ്റൊരു സ്ഥലത്തെത്തി, ഷാപ്പിൽ ഏറ്റുമുട്ടിയ യുവാക്കളിലൊരാളായ അഖിലിനെ വഴിയിൽ തടഞ്ഞുനിർത്തി ആക്രമിക്കുകയായിരുന്നു.

വടിവാൾ ഉപയോഗിച്ച്​ വെട്ടുന്നതിനി​െട അക്രമിസംഘത്തിലുള്ള ഒരാൾക്കും വെട്ടേറ്റു. ഇയാളുടെ വലതുകൈയിലും വലതു കാലിലും വെട്ടേറ്റിരുന്നു. ആശുപത്രിയിൽ എത്തിയെങ്കിലും ബൈക്കിൽനിന്ന്​ വീണ്​ പരിക്കേറ്റതാ​െണന്നാണ് അറിയിച്ചത്. സംശയം തോന്നിയ ആശുപത്രി അധികൃതർ പൊലീസിൽ അറിയിച്ചു.

തുടർന്ന് അന്വേഷണം നടത്തിയ കടുത്തുരുത്തി എസ്.ഐ ടി.എസ്. റെനീഷി​െൻറ നേതൃത്വത്തിൽ പ്രതികളെ അറസ്​റ്റ്​ ചെയ്യുകയായിരുന്നു. ഇൻസ്​പെക്​ടർ ബി. ഗോപകുമാർ, ഗ്രേഡ് എസ്.ഐ സജി രാംദാസ്, സി.പി.ഒ സനൽകുമാർ എന്നിവർ ചേർന്നാണ് പിടികൂടിയത്. നിരവധി ക്രിമിനൽ കേസിൽ പ്രതികളാണ് ഇരുവരുമെന്ന്​ പൊലീസ് അറിയിച്ചു. 2017ൽ കാപ്പ അടക്കമുള്ള കേസ് ചുമത്തിയിരുന്നു.