കോട്ടയം:പട്ടികജാതി-വർഗ വിഭാഗങ്ങൾ നേരിടുന്ന നീതി നിഷേധത്തിനും അതിക്രമങ്ങൾക്കും പരിഹാരം കാണേണ്ട പട്ടികജാതി -വർഗ എം.എൽ.എമാർ തുടരുന്ന അവഗണനയിൽ പ്രതിഷേധിച്ച് അവരുടെ വീടുകളിലേക്ക് സാമൂഹിക നീതി കർമസമിതിയുടെയും മഹിള ഐക്യവേദിയുടെയും നേതൃത്വത്തിൽ 25ന് മാർച്ചും ധർണയും നടത്തുമെന്ന് ഹിന്ദു സംഘടന നേതാക്കൾ വാർത്തസമ്മേളനത്തിൽ അറിയിച്ചു. വാളയാറിലെ പെൺകുട്ടികൾക്ക് നീതി ലഭ്യമാക്കുക, പട്ടികജാതി അതിക്രമ നിരോധന നിയമം നടപ്പാക്കുക, എസ്.സി-എസ്.ടി നിയമന അട്ടിമറി അവസാനിപ്പിക്കുക, ഫണ്ട് കൃത്യമായി വിനിയോഗിക്കുക, പട്ടികവർഗ കോളനികളുടെ ദുരിതത്തിന് പരിഹാരം കാണുക, മുഴുവൻ ഭൂരഹിതർക്കും ഭൂമിയും വീടും നൽകുക തുടങ്ങിയ ആവശ്യങ്ങളിലാണ് എം.എൽ.എമാർ അനാസ്ഥ തുടരുന്നത്. ഇതുസംബന്ധിച്ച് എം.എൽ.എമാർക്ക് കുറ്റപത്രം നൽകുമെന്നും ഹിന്ദുഐക്യവേദി സംസ്ഥാന ജനറൽ സെക്രട്ടറി ഇ.എസ് ബിജുവും കെ.പി.എം.എസ് സംസ്ഥാന സമിതി അംഗം എൻ.കെ. നീലകണ്ഠനും അറിയിച്ചു. എ.കെ.സി.എച്ച്.എം എസ് സംസ്ഥാന പ്രസിഡൻറ് പി. എസ്. പ്രസാദ്, മഹിള ഐക്യവേദി സംസ്ഥാന സെക്രട്ടറി ബിന്ദു മോഹൻ, ഹിന്ദുഐക്യവേദി ജില്ല ജനറൽ സെക്രട്ടറി രാജേഷ് നട്ടാശ്ശേരി എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.