പത്തനംതിട്ട: ശബരിമല അയ്യപ്പസേവാ സമാജത്തിൻെറ ആഭിമുഖ്യത്തില്‍ അയ്യപ്പ മഹാസംഗമം ഞായറാഴ്ച പന്തളത്ത് നടത്തുമെന്ന് ഭാരവാഹികള്‍ വാർത്തസമ്മേളനത്തില്‍ അറിയിച്ചു. കോവിഡ് നിയന്ത്രണങ്ങളുടെ പശ്ചാത്തലത്തില്‍ വെര്‍ച്വല്‍ മീറ്റിങ് ആയാണ് നടത്തുന്നത്. 'ഭവനം സന്നിധാനം' എന്ന സന്ദേശം ഭക്തരിലേക്ക് എത്തിക്കുക എന്ന ലക്ഷ്യത്തോടെയാണ് മഹാസംഗമം നടത്തുന്നത്. രാവിലെ 11ന് സ്വാമിനി ദേവി ജ്ഞാനാഭനിഷ്ഠ ദീപപ്രോജ്വലനം നിര്‍വഹിക്കും. അയ്യപ്പസേവാസമാജം സംസ്ഥാന പ്രസിഡൻറ് അക്കീരമണ്‍ കാളിദാസ ഭട്ടതിരിപ്പാട് അധ്യക്ഷത വഹിക്കും. പന്തളം കൊട്ടാരം രാജപ്രതിനിധി ശശികുമാരവര്‍മ ഉദ്ഘാടനം ചെയ്യും. മിസോറം മുന്‍ ഗവര്‍ണര്‍ കുമ്മനം രാജശേഖരന്‍ മുഖ്യപ്രഭാഷണം നടത്തും. പന്തളം കൊട്ടാരം പ്രതിനിധി നാരായണവര്‍മ അനുഗ്രഹപ്രഭാഷണം നിര്‍വഹിക്കും. വാർത്തസമ്മേളനത്തില്‍ സംസ്ഥാന ജോയൻറ് ജനറല്‍ സെക്രട്ടറി അമ്പോറ്റി കോഴഞ്ചേരി, സംസ്ഥാന സെക്രട്ടറി ഇലന്തൂര്‍ ഹരിദാസ്, ജില്ല സെക്രട്ടറി ജയന്‍ ചെറുവള്ളില്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.