ആറാംവാർഡ് സ്ത്രീ സംവരണമായി നിശ്ചയിച്ചത് റദ്ദാക്കി പാലാ: പാലാ നഗരസഭയിലെ ആറാംവാർഡ് സ്ത്രീ സംവരണമായി നിശ്ചയിച്ചുള്ള ഉത്തരവ് ഹൈകോടതി റദ്ദാക്കി. 26 വാർഡുള്ള നഗരസഭയിലെ പുരുമലകുന്ന് വാർഡ് മൂന്നാം തവണയും സംവരണ വാർഡായി നിശ്ചയിച്ച കൊല്ലം റീജനൽ നഗരകാര്യ ജോയൻറ് ഡയറക്ടറുടെ 30.9.'20ലെ ഉത്തരവാണ് കോടതി റദ്ദാക്കിയത്. നറുക്കെടുപ്പിലൂടെയാണ് സംവരണ വാർഡുകൾ നിശ്ചയിച്ച് ഉത്തരവിറക്കിയത്‌. നഗരസഭയിലെ പുലിമലക്കുന്ന് ആറാംവാർഡ് 2010, 2015 വർഷങ്ങളിലും സംവരണ വാർഡായിരുന്നു. മൂന്നാം തവണയും സംവരണ വാർഡായി നിശ്ചയിച്ചതിനെതിരെ കേരള കോൺഗ്രസ്-എം പാലാ നിയോജക മണ്ഡലം സെക്രട്ടറി ബൈജു കൊല്ലംപറമ്പിൽ സമർപ്പിച്ച ഹർജിയെത്തുടർന്നാണ് ഹൈകോടതി ഉത്തരവ്. രണ്ടുപ്രാവശ്യം സംവരണ വാർഡായിരുന്ന നഗരസഭയിലെ 12ാം വാർഡ് ജനറലാക്കുകയും ആറാംവാർഡ് സംവരണ വാർഡായി നിലനിർത്തുകയും ചെയ്തത് ഹർജിയിൽ ചൂണ്ടിക്കാട്ടിയിരുന്നു. ഉത്തരവ് നടപ്പാകുന്നതോടെ നഗരസഭയിലെ ആറ്, 12 വാർഡുകൾ ജനറൽ വാർഡായി നിലനിർത്തി മറ്റ് ജനറൽ, സംവരണ വാർഡുകൾ വീണ്ടും പുനർനിർണയം ചെയ്യപ്പെടും. അഭിഭാഷകരായ പി. ദീപക്, ജയ് ജോർജ് എന്നിവർ ഹരജിക്കാരനുവേണ്ടി ഹാജരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.