കോട്ടയം: കെ.എസ്.ആർ.ടി.സിയും ചരിത്ര മ്യൂസിയം സ്ഥാപിക്കുന്നു. കോർപറേഷൻെറ തുടക്കം മുതലുള്ള ചരിത്രം, പാരമ്പര്യം, പൈതൃകം എന്നിവയുടെ ദീപ്തസ്മരണകൾ പുതുതലമുറക്ക് കൈമാറി അറിവിൻെറയും കൗതുകത്തിൻെറയും കാഴ്ചകൾ ഒരുക്കുകയാണ് ചരിത്രമ്യൂസിയത്തിലൂടെ ലക്ഷ്യമിടുന്നതെന്ന് കോർപറേഷൻ അധികൃതർ വ്യക്തമാക്കുന്നു. ഇതിൻെറ ഭാഗമായി കെ.എസ്.ആർ.ടി.സിയുമായി ബന്ധപ്പെട്ട ചിത്രങ്ങൾ, ശിൽപങ്ങൾ, പ്രസിദ്ധീകരണങ്ങൾ, ലഘുലേഖകൾ, മാതൃകകൾ എന്നിവയെല്ലാം ശേഖരിക്കാനുള്ള നടപടിക്കും തുടക്കമായി. പ്രദർശനയോഗ്യമായ ഇത്തരം വസ്തുക്കൾ കൈവശമുള്ളവർ കോർപറേഷന് കൈമാറണമെന്ന് ചെയർമാനും മാനേജിങ് ഡയറക്ടറുമായ ബിജു പ്രഭാകർ അഭ്യർഥിച്ചു. ജീവനക്കാരും അഭ്യുദയകാംക്ഷികളും കൂട്ടായ്മകളും പെൻഷൻകാരും ഇത്തരം വസ്തുക്കൾ ശേഖരിച്ച് അതത് യൂനിറ്റുകളിൽ എത്തിക്കണമെന്നും നിർദേശമുണ്ട്. കോർപറേഷൻ മുഖ്യകാര്യാലയത്തോട് ചേർന്നാകും ചരിത്ര മ്യൂസിയം തുറക്കുക. പുതുതലമുറ അറിയേണ്ട ഒരുപാട് കാര്യങ്ങൾ ഇതിലൂടെ വെളിപ്പെടുമെന്ന പ്രതീക്ഷയിലാണ് കോർപറേഷൻ അധികൃതർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.