പത്തനംതിട്ട: ലയണ്‍സ് ക്ലബ് ഇൻറര്‍നാഷനല്‍ ഡിസ്ട്രിക്റ്റ് 318 ബിയുടെ ഭാഗമായി യു.എ.ഇയില്‍ പ്രവര്‍ത്തിക്കുന്ന പത്തനംതിട്ട എമിറേറ്റ്‌സ് പ്രവര്‍ത്തകര്‍ ജനറല്‍ ആശുപത്രി കോവിഡ് വാര്‍ഡിലേക്ക് നല്‍കുന്ന സഹായങ്ങളുടെ വിതരണം വ്യാഴാഴ്ച നടക്കും. ജനറല്‍ ആശുപത്രി സൂപ്രണ്ടിൻെറ അഭ്യര്‍ഥനപ്രകാരം 50 കിടക്ക, കിടക്കവിരി, തലയണ, തലയണ കവര്‍, ചൂടുവെള്ളം ലഭിക്കാനുള്ള ഡിസ്‌പെന്‍സര്‍, ടി.വി തുടങ്ങിയവയാണ് നല്‍കുന്നത്. വൈകുന്നേരം നാലിനു ആേൻറാ ആൻറണി എം.പി, ലയണ്‍സ് ഡിസ്ട്രിക്റ്റ് ഗവര്‍ണര്‍ ഡോ. സി.പി. ജയകുമാര്‍ എന്നിവരുടെ സാന്നിധ്യത്തിലാണ് വിതരണം. 2.5 ലക്ഷം രൂപ ചെലവിലാണ് പദ്ധതി. പരിസ്ഥിതി സംരക്ഷണം, അർബുദ ബാധിത നിര്‍ധന കുട്ടികള്‍ക്ക് ധനസഹായം, ഭക്ഷണം, ഡയലാസിസ് കിറ്റ് വിതരണം, ഇന്‍സുലിന്‍ മെഡികാര്‍ഡ്, സൗജന്യ ഇന്‍സുലിന്‍ വിതരണം തുടങ്ങിയ പദ്ധതികളും നടപ്പാക്കുമെന്ന് രക്ഷാധികാരി കെ.എസ്. മോഹനന്‍പിള്ള, ഭാരവാഹികളായ മാത്യു ജോണ്‍, ജുബിന്‍ ജോസ് വര്‍ഗീസ്, സിബിന്‍ മാത്യു തോമസ് എന്നിവർ വാർത്തസമ്മേളനത്തില്‍ അറിയിച്ചു. സി. ഹരികുമാര്‍ അനുസ്മരണം പത്തനംതിട്ട: പ്രസ്‌ക്ലബ് മുന്‍ പ്രസിഡൻറും മാതൃഭൂമി സ്‌പെഷല്‍ കറസ്‌പോണ്ടൻറുമായിരുന്ന സി. ഹരികുമാറിൻെറ എട്ടാമത് അനുസ്മരണം പത്തനംതിട്ട പ്രസ്‌ക്ലബ് ഹാളില്‍ നടന്നു. പ്രസിഡൻറ് ബോബി എബ്രഹാം അധ്യക്ഷത വഹിച്ചു. സെക്രട്ടറി ബിജു കുര്യന്‍, എബ്രഹാം തടിയൂര്‍, സജിത് പരമേശ്വരന്‍, പ്രവീണ്‍ കൃഷ്ണന്‍, അബൂബക്കര്‍ തുടങ്ങിയവര്‍ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.