ജീവനക്കാരുടെ കുറവ്​; പുനലൂർ ബസ് ഡിപ്പോയിലെ സർവിസുകൾ താളംതെറ്റുന്നു; നി​ല​വി​ൽ 26 ഡ്രൈ​വ​ർ​മാ​രു​ടെ​യും ഏ​ഴ് ക​ണ്ട​ക്ട​ർ​മാ​രു​ടെ​യും ഒ​ഴി​വു​ണ്ട്

പു​ന​ലൂ​ർ: ആ​വ​ശ്യ​ത്തി​ന് ഡ്രൈ​വ​റും ക​ണ്ട​ക്ട​റും ഇ​ല്ലാ​ത്ത​ത് പു​ന​ലൂ​ർ കെ.​എ​സ്.​ആ​ർ.​ടി.​സി ഡി​പ്പോ​യി​ലെ ബ​സ് സ​ർ​വി​സു​ക​ളെ പ്ര​തി​കൂ​ല​മാ​യി ബാ​ധി​ക്കു​ന്നു. ഇ​തു​കാ​ര​ണം ദി​നേ​ന ആ​ഞ്ചും ആ​റും സ​ർ​വി​സു​ക​ൾ വെ​ട്ടി​ക്കു​റ​ക്കേ​ണ്ടി​വ​രു​ന്നു. കൂ​ടാ​തെ ചെ​മ്മ​ന്തൂ​ർ പ്രൈ​വ​റ്റ് ബ​സ് സ്റ്റാ​ൻ​ഡി​ൽ അ​ടു​ത്തി​ടെ പു​ന​രാ​രം​ഭി​ച്ച സ്റ്റേ​ഷ​ൻ മാ​സ്റ്റ​ർ ഓ​ഫി​സി​ന്‍റെ പ്ര​വ​ർ​ത്ത​ന​ത്തെ​യും ത​ട​സ്സ​പ്പെ​ടു​ത്തു​ന്നു. നി​ല​വി​ൽ 26 ഡ്രൈ​വ​ർ​മാ​രു​ടെ​യും ഏ​ഴ് ക​ണ്ട​ക്ട​ർ​മാ​രു​ടെ​യും ഒ​ഴി​വു​ണ്ട്. ഇ​ത് നി​ക​ത്താ​ൻ കോ​ർ​പ​റേ​ഷ​ൻ ത​യാ​റാ​കു​ന്നി​ല്ല. സ്ഥി​രം ഒ​ഴി​വ് കൂ​ടാ​തെ നി​ല​വി​ലെ ജീ​വ​ന​ക്കാ​ർ കൂ​ടു​ത​ൽ​പേ​ർ അ​വ​ധി​യി​ലു​മാ​യാ​ൽ പ്ര​തി​സ​ന്ധി രൂ​ക്ഷ​മാ​കും. താ​ൽ​ക്കാ​ലി​ക്കാ​രെ വെ​ച്ചും പ​ല​പ്പോ​ഴും കൃ​ത്യ​മാ​യ നി​ല​യി​ൽ സ​ർ​വി​സു​ക​ൾ ന​ട​ത്താ​നാ​വു​ന്നി​ല്ല. ഇ​തു​കാ​ര​ണം ഒ​റ്റ​പ്പെ​ട്ട പ്ര​ദേ​ശ​ങ്ങ​ളി​ലേ​ക്കു​ൾ​പ്പ​ടെ സ​ർ​വി​സു​ക​ൾ നി​ർ​ത്തി​വെ​ക്കു​ന്ന​ത് കാ​ര​ണം യാ​ത്ര​ക്കാ​രു​ടെ പ്ര​തി​ഷേ​ധ​വും പ​ല​പ്പോ​ഴും ഡി​പ്പോ​യി​ലു​ണ്ട്.

ജി​ല്ല​യി​ലെ പ്ര​ധാ​ന ഡി​പ്പോ​ക​ളി​ൽ ഒ​ന്നാ​യ പു​ന​ലൂ​രി​ൽ മു​മ്പ് 75 ഓ​ളം ഷെ​ഡ്യൂ​ളു​ക​ൾ ഉ​ണ്ടാ​യി​രു​ന്ന​ത് ക്ര​മേ​ണ കു​റ​ഞ്ഞ് അ​മ്പ​തോ​ള​മാ​യി. ഇ​വി​ടെ​നി​ന്നു​ള്ള പ​ല ഷെ​ഡ്യൂ​ളു​ക​ളും സ​മീ​പ​ത്തെ മ​റ്റ്​ ഡി​പ്പോ​ക​ളി​ലേ​ക്ക് മാ​റ്റു​ക​യോ അ​വ​സാ​നി​പ്പി​ക്കു​ക​യോ ചെ​യ്തു. ഡി​പ്പോ​യെ കോ​ർ​പ​റേ​ഷ​ൻ മ​നഃ​പൂ​ർ​വ​മാ​യി അ​വ​ഗ​ണി​ക്കു​ന്ന​താ​യി ആ​ക്ഷേ​പം ഉ​യ​ർ​ന്ന​തോ​ടെ അ​ടു​ത്തി​ടെ കോ​ഴി​ക്കോ​ട് ഉ​ൾ​പ്പെ​ടെ പു​തി​യ സ​ർ​വി​സു​ക​ൾ ആ​രം​ഭി​ച്ച് നി​ല​വി​ൽ 59 ഷെ​ഡ്യൂ​ളു​ക​ളാ​യി​ട്ടു​ണ്ട്. എ​ന്നാ​ൽ, ഇ​വ​യും ജീ​വ​ന​ക്കാ​രു​ടെ കു​റ​വ് കാ​ര​ണം പ​ല​പ്പോ​ഴും കൃ​ത്യ​മാ​യി ഓ​പ​റേ​റ്റ് ചെ​യ്യാ​നാ​കു​ന്നി​ല്ല.

കി​ഴ​ക്ക​ൻ മ​ല​യോ​ര​മേ​ഖ​ല​ക​ളി​ലേ​ക്കും ത​മി​ഴ്നാ​ട്ടി​ലേ​ക്കും സ​ർ​വി​സു​ക​ൾ ഉ​ള്ള​തി​നാ​ൽ ജീ​വ​ന​ക്കാ​രു​ടെ കു​റ​വ് അ​ടി​യ​ന്ത​ര​മാ​യി പ​രി​ഹ​രി​ക്കേ​ണ്ട​തു​ണ്ട്. ഡി​പ്പോ അ​ധി​കൃ​ത​ർ ദി​നേ​ന​യു​ള്ള വി​വ​ര​ങ്ങ​ൾ കോ​ർ​പ​റേ​ഷ​ൻ അ​ധി​കൃ​ത​രെ അ​റി​യി​ക്കു​ന്നു​ണ്ടെ​ങ്കി​ലും ട​പ​ടി​യു​ണ്ടാ​കു​ന്നി​ല്ലെ​ന്നാ​ണ്​ ആ​ക്ഷേ​പം.

ചെ​മ്മ​ന്തൂ​ർ സ്റ്റാ​ൻ​ഡി​ലേ​ക്ക് പ​ല ബ​സു​ക​ളും പോ​കു​ന്നി​ല്ല

യാ​ത്ര​ക്കാ​രു​ടെ സൗ​ക​ര്യം ക​ണ​ക്കി​ലെ​ടു​ത്ത് ഓ​ർ​ഡി​ന​റി സ​ർ​വി​സു​ക​ൾ ചെ​മ്മ​ന്തൂ​രി​ലെ മു​നി​സി​പ്പ​ൽ പ്രൈ​വ​റ്റ് സ്റ്റാ​ൻ​ഡി​ൽ പോ​ക​ണ​മെ​ന്ന നി​ർ​ദേ​ശം പാ​ലി​ക്കാ​ൻ പ​ല ബ​സ് ജീ​വ​ന​ക്കാ​രും ത​യാ​റാ​കു​ന്നി​ല്ല. ക​ഴി​ഞ്ഞ ജ​നു​വ​രി​യി​ലാ​ണ് ഇ​വി​ട​ത്തെ സ്റ്റേ​ഷ​ൻ മാ​സ്റ്റ​ർ ഓ​ഫി​സി​ന്‍റെ പ്ര​വ​ർ​ത്ത​നം പു​ന​രാ​രം​ഭി​ച്ച​ത്.

ഇ​വി​ടെ​ത്തു​ന്ന ബ​സു​ക​ൾ സ്റ്റേ​ഷ​ൻ മാ​സ്റ്റ​ർ ഓ​ഫി​സി​ൽ സ​മ​യം രേ​ഖ​പ്പെ​ടു​ത്തി ഡി​പ്പോ​യി​ലേ​ക്ക് വ​ര​ണ​മെ​ന്നാ​ണ്. കൊ​ല്ലം, കൊ​ട്ടാ​ര​ക്ക​ര ഭാ​ഗ​ത്തു​നി​ന്നു​ള്ള ഓ​ർ​ഡി​ന​റി​ക​ൾ പ്രൈ​വ​റ്റ് സ്റ്റാ​ൻ​ഡി​ന്‍റെ മു​ന്നി​ലൂ​ടെ​യാ​ണ് ഡി​പ്പോ​യി​ലേ​ക്ക് വ​ന്നു​പോ​കു​ന്ന​ത്. മ​റ്റ് റൂ​ട്ടു​ക​ളി​ലു​ള്ള​തും ഡി​പ്പോ​യി​ൽ അ​വ​സാ​നി​ക്കു​ന്ന​തു​മാ​യ ഓ​ർ​ഡി​ന​റി​ക​ൾ പ്രൈ​വ​റ്റ് സ്റ്റാ​ൻ​ഡി​ൽ വ​രേ​ണ്ട​തു​ണ്ട്.

ഇ​ത​നു​സ​രി​ച്ച് ചി​ല ഡി​പ്പോ​യി​ലെ ബ​സു​ക​ളു​ടെ ടി​ക്ക​റ്റ് പു​ന​ലൂ​ർ സ്റ്റാ​ൻ​ഡ് എ​ന്നു​ണ്ടാ​യി​രു​ന്ന​ത് മു​നി​സി​പ്പ​ൽ ബ​സ് സ്റ്റാ​ൻ​ഡ് എ​ന്നാ​ണ്​ ക്ര​മീ​ക​രി​ച്ചി​രി​ക്കു​ന്ന​ത്. സ്റ്റേ​ഷ​ൻ മാ​സ്റ്റ​ർ ഓ​ഫി​സി​ൽ ജീ​വ​ന​ക്കാ​രി​ല്ല, ബ​സി​ന്‍റെ സ​മ​യ​ക്കു​റ​വ്, യാ​ത്ര​ക്കാ​രു​ടെ കു​റ​വ് തു​ട​ങ്ങി​യ കാ​ര​ണ​ങ്ങ​ളാ​ണ് ജീ​വ​ന​ക്കാ​ർ ഇ​തി​ന് കാ​ര​ണ​മാ​യി പ​റ​യു​ന്ന​ത്. ഇ​തി​നെ ചൊ​ല്ലി യാ​ത്ര​ക്കാ​രും ജീ​വ​ന​ക്കാ​രും ത​ർ​ക്ക​മു​ണ്ടാ​കു​ന്ന​തും പ​തി​വാ​ണ്.