വൈ​ദ്യു​താ​ഘാ​ത​മേ​റ്റു വീ​ണ മ​യി​ലി​ന്​ രക്ഷകരായി നാ​ട്ടു​കാ​ർ

ഇ​ര​വി​പു​രം: വൈ​ദ്യു​താ​ഘാ​ത​മേ​റ്റ് നി​ല​ത്തു​വീ​ണ മ​യി​ലി​ന് നാ​ട്ടു​കാ​ർ ര​ക്ഷ​ക​രാ​യി. മ​യ്യ​നാ​ട് കാ​രി​ക്കു​ഴി​യി​ൽ വെ​ള്ളി​യാ​ഴ്ച രാ​വി​ലെ​യാ​യി​രു​ന്നു സം​ഭ​വം. കാ​രി​ക്കു​ഴി വ​യ​ലി​ൽ​നി​ന്ന്​ പ​റ​ന്നു​യ​ര​വേ 11 കെ.​വി വൈ​ദ്യു​തി ലൈ​നി​ൽ​നി​ന്ന്​ ഷോ​ക്കേ​റ്റ് മ​യി​ൽ റോ​ഡി​ലേ​ക്ക് വീ​ഴു​ക​യാ​യി​രു​ന്നു. കു​റ​ച്ചു​നാ​ളു​ക​ളാ​യി പ്ര​ദേ​ശ​ത്തു​ണ്ടാ​യി​രു​ന്ന ര​ണ്ട് മ​യി​ലു​ക​ളി​ൽ ഒ​രു മ​യി​ലി​നാ​ണ് ഷോ​ക്കേ​റ്റ​ത്.

ഷോ​ക്കേ​റ്റ് വീ​ണ മ​യി​ലി​നെ രാ​ജേ​ഷ് മോ​ഹ​ൻ, ജ​യ​പ്ര​കാ​ശ് എ​ന്നി​വ​രു​ടെ നേ​തൃ​ത്വ​ത്തി​ൽ നാ​ട്ടു​കാ​ർ പ്രാ​ഥ​മി​ക ശു​ശ്രൂ​ഷ​ക​ൾ ന​ൽ​കി. തു​ട​ർ​ന്ന്​ പ​ര​വൂ​ർ ഗ​വ. വെ​റ്റ​റി​ന​റി ആ​ശു​പ​ത്രി ഡോ​ക്ട​ർ ജി​നി ആ​ന​ന്ദ് എ​ത്തി ഇ​ൻ​ജ​ക്​​ഷ​നും ഗ്ലൂ​ക്കോ​സ് വെ​ള്ള​വും ന​ൽ​കി. പി​ന്നീ​ട്​ കൊ​ല്ലം വ​നം വ​കു​പ്പ് ഓ​ഫി​സി​ലെ സെ​ക്​​ഷ​ൻ ഫോ​റ​സ്​​റ്റ് ഓ​ഫി​സ​ർ ജോ​ബി എ​ത്തി മ​യി​ലി​നെ കൊ​ണ്ടു​പോ​യി. വെ​റ്റ​റി​ന​റി ആ​ശു​പ​ത്രി​യി​ൽ എ​ത്തി​ച്ച്​ ആ​രോ​ഗ്യ​നി​ല തൃ​പ്തി​ക​ര​മാ​ണെ​ങ്കി​ൽ വ​ന​ത്തി​ൽ തു​റ​ന്നു​വി​ടു​മെ​ന്നും വ​നം​വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു.