കരുനാഗപ്പള്ളി മേൽപാലം പരീക്ഷണ പൈലിങ് തുടങ്ങി

ക​രു​നാ​ഗ​പ്പ​ള്ളി: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി ക​രു​നാ​ഗ​പ്പ​ള്ളി ടൗ​ണി​ൽ നി​ർ​മി​ക്കു​ന്ന മേ​ൽ​പാ​ല​ത്തി​ന്​ പ​രീ​ക്ഷ​ണ പൈ​ലി​ങ് തു​ട​ങ്ങി. ടൗ​ണി​ൽ ഹെ​ഡ് പോ​സ്റ്റ് ഓ​ഫി​സ് പൊ​ളി​ച്ചു​മാ​റ്റി​യ സ്ഥ​ല​ത്താ​ണ് പൈ​ലി​ങ് ജോ​ലി​ക​ൾ പു​രോ​ഗ​മി​ക്കു​ന്ന​ത്. ക​രു​നാ​ഗ​പ്പ​ള്ളി ടൗ​ണി​ൽ ഗ​വ. ഹൈ​സ്കൂ​ളി​ന് സ​മീ​പ​ത്തു​നി​ന്ന്​ തു​ട​ങ്ങി ലാ​ലാ​ജി ജ​ങ്ഷ​നി​ൽ അ​വ​സാ​നി​ക്കു​ന്ന ഒ​രു കി​ലോ​മീ​റ്റ​റോ​ളം ദൂ​ര​ത്തി​ലാ​ണ് മേ​ൽ​പാ​ലം നി​ർ​മി​ക്കു​ക.

ക​രു​നാ​ഗ​പ്പ​ള്ളി ടൗ​ണി​ൽ തൂ​ണു​ക​ളി​ൽ നി​ർ​മി​ക്കു​ന്ന എ​ലി​വേ​റ്റ​ഡ് ഹൈ​വേ വേ​ണ​മെ​ന്ന ആ​വ​ശ്യം ശ​ക്ത​മാ​ണ്. ഏ​തു​ത​രം മേ​ൽ​പാ​ല​മാ​യാ​ലും അ​ത് താ​ങ്ങു​ന്ന ഭാ​രം സം​ബ​ന്ധി​ച്ചു​ള്ള പ​രി​ശോ​ധ​ന​ക്കാ​ണ് ടെ​സ്റ്റ് പൈ​ലി​ങ് ന​ട​ത്തു​ന്ന​ത്.

ഇ​വി​ടെ സ്ഥാ​പി​ക്കു​ന്ന പാ​ല​ത്തി​ന്‍റെ പ​ല​മ​ട​ങ്ങ് ഭാ​രം ടെ​സ്റ്റ് പി​ല്ല​റി​ൽ ക​യ​റ്റി​യാ​ണ് പ​രി​ശോ​ധ​ന ന​ട​ത്തു​ന്ന​ത്. ടൗ​ണി​ന്റെ തെ​ക്കേ​യ​റ്റ​ത്തും സ​മാ​ന​മാ​യ രീ​തി​യി​ൽ പൈ​ലി​ങ് ജോ​ലി​ക​ൾ പൂ​ർ​ത്തി​യാ​ക്കി​യി​ട്ടു​ണ്ട്.

വ​വ്വാ​ക്കാ​വ്, പു​ത്ത​ൻ​തെ​രു​വ്, പു​തി​യ​കാ​വ് തു​ട​ങ്ങി​യ സ്ഥ​ല​ങ്ങ​ളി​ൽ സ​ർ​വി​സ് റോ​ഡു​ക​ളു​ടെ നി​ർ​മാ​ണം അ​ന്തി​മ​ഘ​ട്ട​ത്തി​ലാ​ണ്. ക​രു​നാ​ഗ​പ്പ​ള്ളി ടൗ​ണി​ലും സ​ർ​വി​സ് റോ​ഡു​ക​ളു​ടെ നി​ർ​മാ​ണം ആ​രം​ഭി​ച്ചി​ട്ടു​ണ്ട്. ക​ന്നേ​റ്റി​യി​ൽ നി​ല​വി​ലു​ള്ള പാ​ല​ത്തി​ന്‍റെ ഇ​രു​ഭാ​ഗ​ങ്ങ​ളി​ൽ പു​തി​യ പാ​ല​ങ്ങ​ളു​ടെ നി​ർ​മാ​ണ​വും പു​രോ​ഗ​മി​ക്കു​ക​യാ​ണ്.