സം​ഘം ചേ​ർ​ന്ന് ആ​ക്ര​മണം; ഒരാൾ പി​ടി​യി​ൽ

ചാ​ത്ത​ന്നൂ​ർ: പ​ണം തി​രി​കെ ന​ൽ​കാ​ത്ത​തി​ന് സം​ഘം ചേ​ർ​ന്ന് ആ​ക്ര​മി​ച്ച കേ​സി​ൽ ം ഒരാൾ​ പി​ടി​യി​ൽ. മു​ണ്ട​ക്ക​ൽ തെ​ക്കേ​വി​ള പെ​രു​മ്പ​ള്ളി തൊ​ടി​യി​ൽ മം​ഗ​ൽ പാ​ണ്ഡെ എ​ന്ന എ​ബി​ൻ പെ​രേ​ര​യാ​ണ് ചാ​ത്ത​ന്നൂ​ർ പൊ​ലീ​സി​ന്‍റെ പി​ടി​യി​ലാ​യ​ത്. കൊ​ല്ലം മു​ണ്ട​യ്ക്ക​ൽ സ്വ​ദേ​ശി​യാ​യ ജാ​ക്സ​ൺ പ്ര​തി​യു​ടെ സ​ഹോ​ദ​ര​നി​ൽ​നി​ന്ന് വാ​ങ്ങി​യ പ​ണം തി​രി​കെ ന​ൽ​കാ​ൻ സാ​ധി​ച്ചി​രു​ന്നി​ല്ല.

ഈ​വി​രോ​ധ​ത്തി​ൽ ക​ഴി​ഞ്ഞ ജ​നു​വ​രി 28ന് ​രാ​ത്രി എ​ട്ടോ​ടെ ജാ​ക്സ​ണി​നെ ചാ​ത്ത​ന്നൂ​ർ കു​ന്നും​പു​റം ക്ഷേ​ത്ര​ത്തി​ന് സ​മീ​പ​ത്തെ വ​യ​ലി​ൽ കൂ​ട്ടി​കൊ​ണ്ടു​പോ​യി സം​ഘം ചേ​ർ​ന്ന് മ​ർ​ദി​ക്കു​ക​യാ​യി​രു​ന്നു. പ​ണം തി​രി​കെ ന​ൽ​കാ​ൻ ര​ണ്ടാ​ഴ്ച​ത്തെ സാ​വ​കാ​ശം ചോ​ദി​ച്ചെ​ങ്കി​ലും ഇ​യാ​ളെ ബി​യ​ർ കു​പ്പി കൊ​ണ്ടും മ​റ്റും ക്രൂ​ര​മാ​യി മ​ർ​ദി​ച്ച് പ​രി​ക്കേ​ൽ​പി​ക്കു​ക​യാ​യി​രു​ന്നു.

ജാ​ക്സ​ന്‍റെ പ​രാ​തി​യി​ൽ ചാ​ത്ത​ന്നൂ​ർ പൊ​ലീ​സ്​ കേ​സ്​ ര​ജി​സ്റ്റ​ർ ചെ​യ്ത്​ ന​ട​ത്തി​യ അ​ന്വേ​ഷ​ണ​ത്തി​ൽ ഒ​ളി​വി​ൽ ക​ഴി​ഞ്ഞു വ​ന്ന പ്ര​തി​യെ ക​ണ്ടെ​ത്തി അ​റ​സ്റ്റ് ചെ​യ്യു​ക​യാ​യി​രു​ന്നു. നി​ര​വ​ധി ക്ര​മി​ന​ൽ കേ​സു​ക​ളി​ൽ പ്ര​തി​യും കാ​പ്പ നി​യ​മ​പ്ര​കാ​രം ന​ട​പ​ടി​ക​ൾ നേ​രി​ട്ടി​ട്ടു​ള്ള ആ​ളു​മാ​ണ് അ​റ​സ്റ്റി​ലാ​യ എ​ബി​ൻ പെ​രേ​ര. കാ​പ്പ നി​യ​മ​പ്ര​കാ​രം അ​ഞ്ചു ത​വ​ണ ക​രു​ത​ൽ ത​ട​ങ്ക​ലി​ൽ ക​ഴി​ഞ്ഞിട്ടുണ്ട്.