(ചിത്രം) ചവറ: മഴയിൽ . ചവറ പാലക്കടവില് കുരുവേലില്ക്കാട്ടില് ഉണ്ണികൃഷ്ണൻെറ വീട്ടിലെ കിണറാണ് താഴ്ന്നത്. ശനിയാഴ്ച രാത്രിയിലായിരുന്നു സംഭവം. ശക്തമായി പെയ്ത മഴയെത്തുടര്ന്ന് വലിയ ശബ്ദം കേട്ട് വീട്ടുകാര് നോക്കിയപ്പോള് കിണര് ഇടിഞ്ഞുതാഴുന്നതാണ് കണ്ടത്. പൂർണമായും കിണറിന് ചുറ്റുമുള്ള മണ്ണ് മാറിയ അവസ്ഥയിലാണ്. ബൈപാസിൽ പാൽവണ്ടി മറിഞ്ഞു അഞ്ചാലുംമൂട്: ബൈപാസിൽ വീണ്ടും അപകടം. കടവൂരിലെ സിഗ്നൽ ജങ്ഷനിൽ കനത്ത മഴയിൽ പാൽവണ്ടി തലകീഴായി മറിഞ്ഞു; ആർക്കും പരിക്കില്ല. ശനിയാഴ്ച രാത്രി രണ്ടോടെയായിരുന്നു അപകടം. കൊല്ലത്തുനിന്ന് തിരുവനന്തപുരത്തേക്ക് പോകുകയായിരുന്ന പാൽ വണ്ടിയാണ് അപകടത്തിൽപ്പെട്ടത്. ബൈപാസിലെ റോഡിലെ മിനുസമുള്ള പ്രതലമാണ് അപകടകാരണം. റോഡിൻെറ മിനുസത കുറക്കണമെന്ന് പൊലീസ് ആവശ്യപ്പെട്ടിട്ടും കരാർ ഏറ്റെടുത്ത സി.വി.സി.സി കമ്പനി തയാറായിട്ടില്ല. പ്രതിഷേധ സംഗമം കരുനാഗപ്പള്ളി: യു.പിയിലെ ഹാഥ്റസിൽ ക്രൂരമായി പീഡിപ്പിച്ചുകൊന്ന് വീട്ടുകാരെപ്പോലും കാണിക്കാതെ സംസ്കരിച്ച പെൺകുട്ടിക്ക് നീതിതേടി വനിത ലീഗ് സംസ്ഥാനത്ത് 1000 കേന്ദ്രങ്ങളിൽ നടത്തിയ പ്രതിഷേധത്തിൻെറ ഭാഗമായി കരുനാഗപ്പള്ളിയിൽ നടന്ന സംഗമം ജില്ല ജനറൽ സെക്രട്ടറി ജുബിന കെ. കമാൽ ഉദ്ഘാടനം ചെയ്തു. നിയോജ മണ്ഡലം പ്രസിഡൻറ് റഹിയാനത്ത് ബീവി, ജനറൽ സെക്രട്ടറി നസീമ മജീദ്, ജാസ്മി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.