(ചിത്രം) പുനലൂർ: സംസ്ഥാനത്ത് അഴിമതിയില്ലാത്ത ഒരു കാര്യവുമില്ലന്ന് റിട്ട. ജസ്റ്റിസ് ബി. കെമാൽപാഷ. ഉമ്മൻ ചാണ്ടി നിയമസഭാംഗം ആയതിൻെറ 50ാം വർഷികാഘോഷത്തിൻെറ ഭാഗമായി പുനലൂരിൽ നൽകിയ ആദരവ് ഉദ്ഘാടനം ചെ‍യ്യുകയായിരുന്നു അദ്ദേഹം. റബർ ടാപ്പിങ്ങിൻെറ അവസാനഘട്ടത്തിലുള്ള സ്ലോട്ടർ ടാപ്പിങ് പോലെയാണ് ഇവിടെ കാര്യങ്ങൾ നടക്കുന്നത്. ഇതിന് ഒരു അപവാദമായിരുന്നു മുൻമുഖ്യമന്ത്രി ഉമ്മൻ ചാണ്ടി. ജനസമ്പർക്ക പരിപാടികളിൽ വെള്ളപേപ്പർ നൽകിയിട്ട് സാർ ഒപ്പിട്ടുതന്നാൽ മതി പരാതി ഞാൻ പിന്നീട് എഴുതിക്കൊള്ളാം എന്ന് പരാതിക്കാരൻ പറയുന്നതിനെ പുഞ്ചിരിയോടെ നേരിടുന്നയാളായിരുന്നു അദ്ദേഹം. ഉമ്മൻ ചാണ്ടി ഓൺലൈനിലൂടെ സദസ്സിനെ അഭിസംബോധന ചെയ്തു. കെ.പി.സി.സി മുൻ വൈസ് പ്രസിഡൻറ് ഭാരതീപുരം ശശി അധ്യക്ഷത വഹിച്ചു. പത്രപ്രവർത്തകനായ വെച്ചൂച്ചിറ മധു, ഡി.സി.സി പ്രസിഡൻറ് ബിന്ദു കൃഷ്ണ, കെ.പി.സി.സി ജനറൽ സെക്രട്ടറി എ. ഷാനവാസ്ഖാൻ, പ്രഫ.ഇ. മേരീദാസൻ, മുൻ എം.എൽ.എ പുനലൂർ മധു, ഡി.സി.സി ട്രഷറർ നെൽസൺ സെബാസ്റ്റ്യൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.