കൊല്ലം: കുളത്തൂപ്പുഴയിൽ കോവിഡ് നിരീക്ഷണത്തിൽ കഴിഞ്ഞിരുന്ന യുവതിയെ ആരോഗ്യപ്രവർത്തകൻ ബലാത്സംഗം ചെയ്ത സംഭവത്തിൽ എൻ.ജി.ഒ യൂനിയൻ പ്രതിഷേധിച്ചു. സങ്കുചിത രാഷ്ട്രീയതാൽപര്യക്കാർ ഇത്തരം ഒറ്റപ്പെട്ട സംഭവങ്ങളെ സർക്കാറിനെതിരെയുള്ള പ്രചാരണായുധമാക്കാനാണ് പരിശ്രമിക്കുന്നത്. ഇത്തരം വ്യാജ പ്രചാരണങ്ങൾക്കെതിരെ ശക്തമായ നടപടികൾ സ്വീകരിക്കണമെന്ന് എൻ.ജി.ഒ യൂനിയൻ ജില്ലാ പ്രസിഡൻറ് ബി. പ്രശോഭദാസും സെക്രട്ടറി സി. ഗാഥയും ആവശ്യപ്പെട്ടു. കല്ലുംതാഴം സിഗ്നലിൽ വീണ്ടും അപകടം; ബൈക്ക് യാത്രികന് പരിക്ക് കിളികൊല്ലൂർ: ബൈപാസിൽ അപകടങ്ങൾ തുടർക്കഥയാകുന്നു. കല്ലുംതാഴം സിഗ്നലിൽ നിയന്തണം വിട്ട് വന്ന പാർസൽ ഓട്ടോ കാറിലും സ്കൂട്ടറിലുമിടിച്ച് സ്കൂട്ടർ യാത്രക്കാരന് പരിക്കേറ്റു. മാധ്യമപ്രവർത്തകനായ കരുനാഗപ്പള്ളി സ്വദേശി എം.എസ്. ശംഭുവിനാണ് (26) പരിക്കേറ്റത്. ചൊവ്വാഴ്ച രാവിലെ 11ന് കല്ലുംതാഴം സിഗ്നലിന് സമീപമായിരുന്നു അപകടം. അമിതവേഗത്തിലെത്തിയ പാർസൽ ഓട്ടോ തിരുവനന്തപുരത്തേക്ക് പോകുകയായിരുന്ന സ്കൂട്ടറിലും തുടർന്ന് കാറിലും ഇടിക്കുകയായിരുന്നു. സ്കൂട്ടർ യാത്രക്കാരനായിരുന്ന ശംഭു കാറിനടിയിലേക്ക് തെറിച്ചുവീണെങ്കിലും തലനാരിഴക്ക് രക്ഷപ്പെട്ടു. കൈക്ക് സാരമായി പരിക്കേറ്റ ഇയാളെ സമീപത്തെ ആശുപത്രിയിൽ ചികിത്സക്ക് വിധേയനാക്കി. കാറിൻെറ ഒരുഭാഗം തകർന്നു. അപകടത്തെതുടർന്ന് ബൈപാസിൽ ഗതാഗതതടസ്സമുണ്ടായി. കിളികൊല്ലൂർ പൊലീസ് സ്ഥലത്തെത്തി മേൽനടപടികൾ സ്വീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.