കൊല്ലം: കേരള മുസ്ലിം ജമാഅത്ത് സംസ്ഥാന വ്യാപകമായി സംഘടിപ്പിക്കുന്ന സോൺ തല ഓൺലൈൻ കോൺഫറൻസുകൾ കൊല്ലം, ചവറ സോണുകളിൽ ബുധനാഴ്ച രാത്രി 7.30ന് നടക്കും. കേരള മുസ്ലിം ജമാഅത്ത് കൊല്ലം ജില്ല സംഘടനാകാര്യ സെക്രട്ടറി എ.കെ. ഹംസ സഖാഫി മണപ്പള്ളി ഉദ്ഘാടനം ചെയ്യും. കൊല്ലം സോൺ കോൺഫറൻസ് സോൺ പ്രസിഡൻറ് നുജുമുദ്ദീൻ അമാനി അധ്യക്ഷത വഹിക്കും. ജില്ല പ്രസിഡൻറ് എച്ച്. ഇസ്സുദ്ദീൻ കാമിൽ സഖാഫി വിഷയാവതരണം നടത്തും. സോൺ ജനറൽ സെക്രട്ടറി താഹാ ഞാറക്കൽ പദ്ധതിപഠനം അവതരിപ്പിക്കും. രാത്രി 7.30ന് പത്തനാപുരം സോൺ കോൺഫറൻസ് നടക്കും. ജില്ല സെക്രട്ടറി അഞ്ചൽ നിസാമുദ്ദീൻ മുസ്ലിയാർ ഉദ്ഘാടനം ചെയ്യും. എസ്.വൈ.എസ് സംസ്ഥാന ഉപാധ്യക്ഷൻ ഡോ. പി.എ മുഹമ്മദ് കുഞ്ഞ് സഖാഫി വിഷയാവതരണം നടത്തും. സോൺ പ്രസിഡൻറ് ഹാരിസ് കോയ തങ്ങൾ അധ്യക്ഷതവഹിക്കും. സോൺ ജനറൽ സെക്രട്ടറി ഷാഹുദ്ദീൻ കുഞ്ഞ് പദ്ധതി അവതരണം നടത്തും. സോൺ കൗൺസിൽ അംഗങ്ങളും സർക്കിൾ എക്സിക്യൂട്ടിവ് അംഗങ്ങളും യൂനിറ്റ് ഭാരവാഹികളും അവർക്ക് നൽകിയിരിക്കുന്ന ലിങ്കിലൂടെ കൃത്യസമയത്ത് മീറ്റിങ്ങിൽ സംബന്ധിക്കണമെന്ന് സോൺ ജനറൽ സെക്രട്ടറിമാർ അഭ്യർഥിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.