ഓച്ചിറ: വാഹനാപകടത്തിൽ ഗുരുതരമായി പരിക്കേറ്റ യുവാവിന് ചികിത്സക്ക് വലിയകുളങ്ങര മുസ്ലിം ജമാഅത്ത് കമ്മറ്റി 50,000 രൂപ നൽകി. ഓച്ചിറ മേമന തെക്ക് മുരുകാലയത്തിൽ പരേതനായ ഗോപാലപിള്ളയുടെ മകൻ അജയറോജി (41)നാണ് ഗുരുതരമായി പരിക്കേറ്റത്. കല്ലൂർ മുക്കിൽ അജയുടെ ബൈക്കിൽ കണ്ടെയ്നർ ലോറി തട്ടുകയായിരുന്നു. യുവാവ് കൊല്ലത്തെ സ്വകാര്യ ആശുപത്രിയിൽ ചികിത്സയിലാണ്. ജുമുഅ നമസ്കാരത്തിനുശേഷം ഇമാം ഇർഷാദ് അൽഹസനിയുടെ നേതൃത്വത്തിൽ 15 മിനിറ്റ് കൊണ്ട് ബക്കറ്റ് പിരിവിലൂടെ ധനസമാഹരണം നടത്തി 50,000 രൂപ ഓച്ചിറ പഞ്ചായത്ത് അംഗം ഗീതാകുമാരിക്ക് കൈമാറുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.