പാനൂർ: സി.പി.എം പൊയിലൂർ ലോക്കൽ കമ്മിറ്റിയംഗവും മലബാർ ദേവസ്വം ബോർഡ് പ്രസിഡൻറുമായ ഒ.കെ. വാസുവിനെ പൊയിലൂരിൽ ഒരു സംഘം ആർ.എസ്.എസുകാർ വധിക്കാൻ ശ്രമിച്ചതിൽ പ്രതിഷേധിച്ച് പാനൂർ ഏരിയയിലെ 16 ലോക്കലുകളിലെയും ബ്രാഞ്ചുകളിൽ വിവിധ സ്ഥലങ്ങൾ കേന്ദ്രീകരിച്ച് പ്രതിഷേധ പരിപാടി നടത്തി. പാനൂർ ഏരിയ തല ഉദ്ഘാടനം പൊയിലൂരിൽ ജില്ല സെക്രട്ടറി എം.വി. ജയരാജൻ നിർവഹിച്ചു. പൊയിലൂർ ലോക്കൽ സെക്രട്ടറി എ.പി. ഭാസ്കരൻ അധ്യക്ഷത വഹിച്ചു. ജില്ല കമ്മിറ്റിയംഗം കെ.കെ. പവിത്രൻ, ടി.കെ. നാണു എന്നിവർ സംസാരിച്ചു. കഴിഞ്ഞ 23ന് സെൻട്രൽ പൊയിലൂരിൽ റേഷൻപീടിക-ശ്രീനാരായണമഠം റോഡിലാണ് ഒ.കെ. വാസുവിനുനേരെ മാരകായുധങ്ങളുമായെത്തിയ സംഘം വധശ്രമം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.