മുന്നറിയിപ്പില്ലാതെ എടക്കാട് ബസാർ റോഡടച്ചു; നട്ടംതിരിഞ്ഞ് നാട്ടുകാർ

എടക്കാട്: ​എ​ട​ക്കാ​ട് ബ​സാ​റി​ൽ പ​ണി പൂ​ർ​ത്തി​യാ​ക്കി​യ അ​ടി​പ്പാ​ത​യു​ടെ ഒ​രു​ഭാ​ഗ​ത്തെ ടാ​റി​ങ് പൂ​ർ​ത്തി​യാ​യ ഉ​ട​നെ ബ​സാ​റി​ലൂ​ടെ പോ​കു​ന്ന നി​ല​വി​ലെ റോ​ഡ​ട​ച്ച് വാ​ഹ​ന​ങ്ങ​ളെ പു​തി​യ റോ​ഡ് വ​ഴി ക​ട​ത്തി​വി​ട്ട​തോ​ടെ​യാ​ണ് ബ​സാ​റി​ൽ ഇ​റ​ങ്ങേ​ണ്ട യാ​ത്ര​ക്കാ​ർ ദു​രി​ത​ത്തി​ലാ​യ​ത്. ബ​സി​ലെ യാ​ത്ര​ക്കാ​രെ അ​ടി​പ്പാ​ത​ക്ക് മു​ക​ളി​ൽ ഇ​റ​ക്കി വി​ട്ട​തോ​ടെ ഏ​തു​വ​ഴി പോ​ക​ണ​മെ​ന്ന​റി​യാ​തെ യാ​ത്രി​ക​ർ ന​ട്ടം തി​രി​ഞ്ഞു.

പ​ണി പൂ​ർ​ത്തി​യാ​ക്കാ​ത്ത റോ​ഡി​ലൂ​ടെ എ​ട​ക്കാ​ട് പെ​ട്രോ​ൾ പ​മ്പ് മു​ത​ലാ​ണ് വാ​ഹ​ന​ങ്ങ​ളെ ക​ട​ത്തി​വി​ട്ട​ത്. ഇ​തി​ൽ പ്ര​തി​ഷേ​ധി​ച്ച് പി​ന്നീ​ട് വ​ന്ന ബ​സു​ക​ളെ ഹൈ​വേ​യി​ൽ യാ​ത്ര​ക്കാ​ർ ത​ട​ഞ്ഞ​ത് വാ​ക്കു​ത​ർ​ക്ക​ത്തി​നി​ട​യാ​ക്കി. കി​ഴ​ക്ക് ഭാ​ഗം സ​ർ​വി​സ് റോ​ഡി​ന്‍റെ പ​ണി തീ​ർ​ക്കാ​തെ​യും ദേ​ശീ​യ​പാ​ത​യി​ൽ നി​ർ​മി​ച്ച അ​ടി​പ്പാ​ത​യു​ടെ ഇ​രു​വ​ശ​വും പൂ​ർ​ത്തി​യാ​കും മു​മ്പും ബ​സാ​റി​ലേ​ക്കു​ള്ള റോ​ഡ് അ​ട​ച്ച​തി​ൽ വ്യാ​പ​ക പ്ര​തി​ഷേ​ധ​മാ​ണ് ഉ​യ​രു​ന്ന​ത്.

ചൊ​വ്വാ​ഴ്ച വൈ​കീ​ട്ട്​ അ​ഞ്ചോ​ടെ​യാ​ണ്​ റോ​ഡ​ട​ച്ച​ത്. ഇ​തേ തു​ട​ർ​ന്നു​ണ്ടാ​യ ദു​രി​ത​ത്തി​ന് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ എ​ട​ക്കാ​ട് പൊ​ലീ​സി​ൽ പ​രാ​തി ന​ൽ​കു​ക​യും ദേ​ശീ​യ​പാ​ത അ​തോ​റി​റ്റി ഓ​ഫി​സി​ൽ വി​ഷ​യം ശ്ര​ദ്ധ​യി​ൽ​പെ​ടു​ത്തു​ക​യും ചെ​യ്തി​രി​ക്കു​ക​യാ​ണ്. അ​ടി​യ​ന്ത​ര​മാ​യി പ്ര​ശ്നം പ​രി​ഹ​രി​ച്ച് നാ​ട്ടു​കാ​രു​ടെ യാ​ത്രാ​ദു​രി​ത​ത്തി​ന് പ​രി​ഹാ​രം കാ​ണ​ണ​മെ​ന്നാ​ണ് ആ​വ​ശ്യം.