കിടപ്പുരോഗികൾക്ക് ‘അരികെ’ സാന്ത്വനം

അ​രി​കെ’ സാ​ന്ത്വ​ന പ​രി​ച​ര​ണ പ​ദ്ധ​തി​യി​ലൂ​ടെ ആ​യു​ര്‍വേ​ദ​ത്തി​ന്റെ താ​ങ്ങ് കി​ട​പ്പി​ലാ​യ​വ​ര്‍ക്ക് ല​ഭ്യ​മാ​കും

ക​ണ്ണൂ​ർ: കി​ട​പ്പി​ലാ​യ രോ​ഗി​ക​ൾ​ക്ക് സാ​ന്ത്വ​ന​മാ​കാ​ൻ ആ​യു​ർ​വേ​ദ മെ​ഡി​ക്ക​ൽ സം​ഘ​ത്തി​ന്റെ ‘അ​രി​കെ’ പ​ദ്ധ​തി വ്യാ​പി​പ്പി​ക്കു​ന്നു. മാ​സ​ത്തി​ൽ ഒ​രു ത​വ​ണ രോ​ഗി​ക​ളെ സ​ന്ദ​ർ​ശി​ച്ച് ചി​കി​ത്സ ഉ​റ​പ്പാ​ക്കും. ത​ദ്ദേ​ശ​സ്ഥാ​പ​ന​ങ്ങ​ളി​ലെ ആ​യു​ർ​വേ​ദ, ഹോ​മി​യോ ആ​ശു​പ​ത്രി​ക​ളി​ലെ മെ​ഡി​ക്ക​ൽ സം​ഘം കി​ട​പ്പു​രോ​ഗി​ക​ളെ സ​ന്ദ​ർ​ശി​ക്ക​ണ​മെ​ന്ന് സ​ർ​ക്കാ​ർ നി​ർ​ദേ​ശ​മു​ണ്ട്.

‘അ​രി​കെ’ സാ​ന്ത്വ​ന പ​രി​ച​ര​ണ പ​ദ്ധ​തി മു​ഖാ​ന്ത​ര​മാ​ണ് ആ​യു​ര്‍വേ​ദ​ത്തി​ന്റെ താ​ങ്ങ് കി​ട​പ്പി​ലാ​യ​വ​ര്‍ക്ക് ല​ഭ്യ​മാ​ക്കു​ന്ന​ത്. നി​ല​വി​ൽ ത​ദ്ദേ​ശ​സ്ഥാ​പ​ന​ങ്ങ​ളി​ലെ അ​ലോ​പ്പ​തി മെ​ഡി​ക്ക​ൽ സം​ഘം കി​ട​പ്പി​ലാ​യ രോ​ഗി​ക​ളെ സ​ന്ദ​ർ​ശി​ക്കു​ന്നു​ണ്ട്. ഇ​തി​നൊ​പ്പ​മാ​ണ് ആ​യു​ർ​വേ​ദ, ഹോ​മി​യോ വി​ഭാ​ഗ​ങ്ങ​ളു​ടെ സേ​വ​നം കൂ​ടി ഉ​റ​പ്പാ​ക്കു​ന്ന​ത്. ഡോ​ക്ട​ർ, ന​ഴ്സ് എ​ന്നി​വ​ര​ട​ങ്ങു​ന്ന സം​ഘ​മാ​ണ് രോ​ഗി​ക​ളെ പ​രി​ശോ​ധി​ക്കു​ക.

ആ​വ​ശ്യ​മാ​യ​വ​ർ​ക്ക് കി​ട​ത്തി​ചി​കി​ത്സ​യും ഉ​റ​പ്പാ​ക്കും. ഇ​തി​നാ​യി ആ​ശു​പ​ത്രി​ക​ളി​ൽ പ്ര​ത്യേ​കം കി​ട​ക്ക​ക​ൾ സ​ജ്ജ​മാ​ക്കും. പ​ദ്ധ​തി​യി​ൽ ര​ജി​സ്റ്റ​ർ ചെ​യ്ത​വ​ർ​ക്കാ​ണ് ചി​കി​ത്സ ന​ൽ​കു​ക. ഇ​തി​നാ​യി ആ​യു​ർ​വേ​ദ, ഹോ​മി​യോ ആ​ശു​പ​ത്രി​ക​ളെ​യോ പ​ഞ്ചാ​യ​ത്തം​ഗ​ങ്ങ​ളെ​യോ ബ​ന്ധ​പ്പെ​ടാം. പ​ഞ്ചാ​യ​ത്തു​ത​ല​ത്തി​ൽ ആ​യു​ർ​വേ​ദ, ഹോ​മി​യോ സം​ഘ​ങ്ങ​ൾ രോ​ഗി സ​ന്ദ​ർ​ശ​നം തു​ട​ങ്ങി​യി​ട്ടു​ണ്ട്.

ത​ട​വ​ൽ, ഉ​ഴി​ച്ചി​ൽ പോ​ലെ​യു​ള്ള സേ​വ​ന​ങ്ങ​ൾ ഗൃ​ഹ​സ​ന്ദ​ർ​ശ​ന​ത്തി​ൽ ഉ​ൾ​പ്പെ​ട്ടി​ട്ടി​ല്ല. എ​ന്നാ​ൽ, ഇ​തി​നാ​യി ആ​ശു​പ​ത്രി​ക​ളി​ൽ പ്ര​​ത്യേ​ക സൗ​ക​ര്യം ഒ​രു​ക്കി​യി​ട്ടു​ണ്ട്. ക​ണ്ണൂ​ർ കോ​ർ​പ​റേ​ഷ​ൻ പ​രി​ധി​യി​ലു​ള്ള രോ​ഗി​ക​ളെ സ​ന്ദ​ർ​ശി​ക്കാ​ൻ മെ​ഡി​ക്ക​ൽ സം​ഘ​ത്തെ നി​യോ​ഗി​ച്ചി​ട്ടു​ണ്ട്. വാ​ഹ​ന​ം ഒരുക്കിയിട്ടുണ്ട്.

വ​കു​പ്പു​ത​ല​ത്തി​ൽ ന​ട​പ്പാ​ക്കു​ന്ന സ്നേ​ഹ​ധാ​ര പ​ദ്ധ​തി പ്ര​കാ​രം കി​ട​പ്പു​രോ​ഗി​ക​ൾ​ക്ക് ചി​കി​ത്സ ന​ൽ​കു​ന്നു​ണ്ട്. മാ​ലൂ​ർ, ചി​റ​ക്ക​ൽ പ​ഞ്ചാ​യ​ത്തു​ക​ളി​ൽ പ​ദ്ധ​തി ന​ല്ല​രീ​തി​യി​ൽ ന​ട​പ്പാ​ക്കു​ന്നു​ണ്ട്. ആ​യു​ർ​വേ​ദ ആ​ശു​പ​ത്രി​ക​ളി​ൽ മെ​ഡി​ക്ക​ൽ ഓ​ഫി​സ​ർ​മാ​രു​ടെ കു​റ​വു​ള്ള​തി​നാ​ൽ ഗൃ​ഹ​സ​ന്ദ​ർ​ശ​നം ന​ട​ത്തു​ന്ന ദി​വ​സ​ങ്ങ​ളി​ൽ ഒ.​പി പ്ര​വ​ർ​ത്ത​നം താ​ളം​തെ​റ്റും. ജി​ല്ല​യി​ൽ നി​ല​വി​ൽ ഇ​രു​പ​തി​ലേ​റെ ആ​ശു​പ​ത്രി​ക​ളി​ൽ മെ​ഡി​ക്ക​ൽ ഓ​ഫി​സ​ർ​മാ​രി​ല്ല.

15 ആ​ശു​പ​ത്രി​ക​ളി​ൽ എം​പ്ലോ​യ്മെ​ന്റ് എ​ക്സ്ചേ​ഞ്ച് വ​ഴി ഡോ​ക്ട​ർ​മാ​രെ താ​ൽ​ക്കാ​ലി​ക​മാ​യി നി​യ​മി​ച്ചി​ട്ടു​ണ്ട്. നി​ര​ന്ത​ര ആ​വ​ശ്യ​ങ്ങ​ൾ​ക്കൊ​ടു​വി​ൽ മെ​ഡി​ക്ക​ൽ ഓ​ഫി​സ​ർ​മാ​രെ നി​യ​മി​ക്കാ​ൻ സ​ർ​ക്കാ​ർ തീ​രു​മാ​നി​ച്ചി​ട്ടു​ണ്ടെ​ന്നാ​ണ് വി​വ​രം.