തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ ടെലിച്ചറി ടൗൺ ക്രിക്കറ്റ് ക്ലബ് 121 റൺസിന് ധർമടം ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ടെലിച്ചറി ടൗൺ ക്ലബ് ക്യാപ്റ്റൻ സി.എച്ച്. ഷാജിയുടെ അർധ സെഞ്ച്വറിയുടെ (80 റൺസ് 61 പന്തിൽ) മികവിൽ നിശ്ചിത 45 ഓവറിൽ ഒമ്പത് വിക്കറ്റ് നഷ്ടത്തിൽ 203 റൺസെടുത്തു. കെ.കെ. റഹീസ് 50 റൺസെടുത്തു. ധർമടത്തിന് വേണ്ടി സുറുമീസ്, ഇ.പി. വൈഷ്ണവ്, സി.കെ. നസീർ എന്നിവർ രണ്ടുവിക്കറ്റ് വീതം വീഴ്ത്തി. മറുപടിയായി ധർമടം ക്രിക്കറ്റ് ക്ലബ് എ.വി. ജിനുവിന്റെ മികച്ച ബൗളിങ്ങിന് മുന്നിൽ 18 ഓവറിൽ 82 റൺസിന് ഓൾ ഔട്ടായി. എ.വി. ജിനു 24 റൺസിന് ആറ് വിക്കറ്റ് വീഴ്ത്തി. ദേവേഷ് ഗോവിന്ദ് 11 റൺസിന് രണ്ട് വിക്കറ്റ് വീഴ്ത്തി. ധർമടത്തിന് വേണ്ടി കെ.ടി. ഹിതേഷ് പുറത്താകാതെ 37 റൺസെടുത്തു. സി.എച്ച്. ഷാജിയെ മാൻ ഓഫ് ദി മാച്ചായി തിരഞ്ഞെടുത്തു. ഞായറാഴ്ചത്തെ മത്സരത്തിൽ കണ്ണൂർ ഫോർട്ട് ക്രിക്കറ്റ് ക്ലബ് പഴയങ്ങാടി എരിപുരം ക്രിക്കറ്റ് ക്ലബിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.