കൂത്തുപറമ്പ്: തൊക്കിലങ്ങാടിക്കടുത്ത പാലാഴിയിലുണ്ടായ വാഹനാപകടത്തിൽ ഒരാൾക്ക് പരിക്ക്. മിനി പിക്-അപ് വാനും മാരുതി ഓൾട്ടോ കാറും കൂട്ടിയിടിച്ചായിരുന്നു അപകടം. കാർ യാത്രക്കാരനായ ജയ്സണാണ് പരിക്കേറ്റത്. ഇയാളെ ആശുപത്രിയിൽ പ്രവേശിപ്പിച്ചു. ചൊക്ലിയിൽനിന്ന് പേരാവൂർ തുണ്ടിയിലേക്ക് പോവുകയായിരുന്ന പിക്-അപ് വാനും കൊട്ടിയൂരിൽനിന്ന് തലശ്ശേരിയിലേക്ക് പോവുകയായിരുന്ന കാറുമാണ് കൂട്ടിയിടിച്ചത്. കഴിഞ്ഞദിവസം ഉച്ചയോടെ കൂത്തുപറമ്പ് -നിടുംപൊയിൽ റോഡിലാണ് അപകടം നടന്നത്. ഉച്ചക്ക് പെയ്ത ചാറ്റൽ മഴയാണ് അപകടത്തിന് ഇടയാക്കിയതെന്നാണ് പ്രാഥമിക നിഗമനം. ഇരു വാഹനങ്ങളും കൂത്തുപറമ്പ് പൊലീസ് സ്റ്റേഷനിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.