തളിപ്പറമ്പ്: നഗരസഭ ആരോഗ്യവിഭാഗത്തിന്റെ നേതൃത്വത്തിൽ ഹോട്ടലുകളിൽ റെയ്ഡ് നടത്തി. വെള്ളിയാഴ്ച രാവിലെയാണ് തളിപ്പറമ്പിലെ വിവിധ ഭാഗങ്ങളിലെ ഹോട്ടലുകളിൽ റെയ്ഡ് നടത്തിയത്. ഏഴ് വലിയ ഹോട്ടലുകളിലും മൂന്ന് ടീ സ്റ്റാളുകളിലുമാണ് പരിശോധന നടത്തിയത്. ഏഴാംമൈലിലെ ചെമ്പരത്തി ബാർ ഹോട്ടലിൽനിന്ന് മാത്രമാണ് പഴകിയ ഭക്ഷണം പിടിച്ചതെന്ന് ഹെൽത്ത് ഇൻസ്പെക്ടർ എം. അബ്ദുൽ സത്താർ മാധ്യമങ്ങളോട് പറഞ്ഞു. പഴകിയ മൂന്നു കിലോ ചോറ്, രണ്ടു കിലോ വീതം ബീഫ്, ചിക്കൻ എന്നിവയാണ് പിടികൂടിയത്. മറ്റ് അപാകതകൾ കണ്ടെത്തിയ സ്ഥാപനങ്ങൾക്ക് നോട്ടീസ് നൽകിയിട്ടുണ്ട്. പരിശോധനയ്ക്ക് ജൂനിയർ ഹെൽത്ത് ഇൻസ്പെക്ടർമാരായ എം.വി. സൂരജ്, എം.വി. അർച്ചന, ബിജോ പി. ജോസഫ് എന്നിവരും നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.