ദിവ്യബലി അർപ്പിച്ചുമാഹി: മാഹി സൻെറ് തെരേസാസ് തീർഥാടന കേന്ദ്രത്തിൽ തിരുനാൾ ആഘോഷത്തിന്‍റെ എട്ടാം ദിനത്തിൽ ഇടവക വികാരി ഫാ.വിൻസൻെറ് പുളിക്കലിന്‍റെ കർമികത്വത്തിൽ ദിവ്യബലി നടന്നു. വൈകീട്ട് ആറിന് ഫാ. ജോർജ് കുറുപ്പത്തിന്‍റെ മുഖ്യ കാർമികത്വത്തിൽ സാഘോഷമായ ദിവ്യബലി അർപ്പിച്ചു. വിശുദ്ധ അമ്മ ത്രേസ്യാ മാതാവിനോടുള്ള നൊവേനയും വിശുദ്ധ അമ്മ ത്രേസ്യായുടെ അത്ഭുതരൂപം വഹിച്ചുള്ള പ്രദക്ഷിണവും നടത്തി. സഹവികാരി ഫാ ജോസഫ്, ഡീക്കൻമാരായ ആൻറണി ദാസ്, സ്റ്റീവെൻസെൻ പോൾ, പാരിഷ് കൗൺസിൽ സെക്രട്ടറി സജി സാമുവൽ, പാരിഷ് കൗൺസിൽ, കമ്മിറ്റി ഭാരവാഹികൾ, സിസ്റ്റർമാർ, വൈദികർ, ഇടവകാംഗങ്ങൾ എന്നിവർ നേതൃത്വം വഹിച്ചു. ഇടവകയിലെ മതബോധന വിഭാഗവും പി.ടി.എയും സാഘോഷ ദിവ്യബലിക്ക് നേതൃത്വം നൽകി. കോവിഡ് മാനദണ്ഡങ്ങൾ പാലിച്ച് ഒരുനേരം ദേവാലയത്തിലേക്ക് 40 പേർക്ക് മാത്രമാണ് പ്രവേശനമുള്ളത്. തിരുനാളിന്‍റെ ഒമ്പതാം ദിനത്തിൽ രാവിലെ ഏഴിന് ദിവ്യബലിയും വൈകീട്ട് ആറിന് കോഴിക്കോട് രൂപത വികാരി ജനറൽ മോൺ. ജെൻസൺ പുത്തൻവീട്ടിലിന്‍റെ മുഖ്യ കാർമികത്വത്തിൽ ആഘോഷമായ ദിവ്യബലിയും നൊവേനയും നടക്കും. ഇടവകയിലെ സൻെറ് ഡോൺബോസ്കോ കുടുംബയൂനിറ്റ് ദിവ്യബലിക്ക് നേതൃത്വം നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.