കോർപറേഷൻ: വിവരങ്ങളെല്ലാം ഇനി ഒരുകുടക്കീഴിൽ-ഫീൽഡ്​ സർവേ തുടങ്ങി

കണ്ണൂർ: കണ്ണൂർ മുനിസിപ്പൽ കോർപറേഷ​ൻെറ സമഗ്ര വികസനം ലക്ഷ്യമിട്ട്​ നടപ്പാക്കുന്ന ഇൻറലിജൻറ്​ പ്രോപ്പർട്ടി മാനേജ്​മൻെറ്​ സിസ്​റ്റം(െഎ.പി.എം.എസ്​)പദ്ധതിയുടെ ഭാഗമായുള്ള ഫീൽഡ്​ സർവേ ആരംഭിച്ചു. ഉൗരാളുങ്കൽ ലേബർ കോൺട്രാക്​ട്​ കോഒാപറേറ്റിവ്​ സൊസൈറ്റിയുടെ ​െഎ.ടി വിഭാഗമാണ്​ പദ്ധതി നടപ്പാക്കുന്നത്​. ജനക്ഷേമ പദ്ധതികൾ ആസൂത്രണം ചെയ്​ത്​ നടപ്പാക്കാൻ ആവശ്യമായ വിവരങ്ങൾ ശേഖരിക്കുകയാണ്​ ഇൗ പദ്ധതിയുടെ പ്രധാന ലക്ഷ്യം. ആധുനിക വിവരസാ​േങ്കതിക വിദ്യയുടെ സഹായത്താൽ നടപ്പാക്കുന്ന പദ്ധതി പ്രകാരം നഗരസഭ പരിധിയിലെ മുഴുവൻ കെട്ടിടങ്ങളുടെയും ഫോ​േട്ടാ ഉൾപ്പെടെ എല്ലാ വിവരങ്ങളും ഉൾ​െപ്പടുത്തി മാപ്​ തയാറാക്കും. കൂടാതെ റോഡ്​, ലാൻഡ്​ മാർക്ക്​, തണ്ണീർത്തടങ്ങൾ തുടങ്ങിയവ അവശ്യാനുസരണം സെർച്ച്​ ചെയ്​ത്​ പരിശോധിക്കാൻ കഴിയും. ഇതോടെ വിവരങ്ങളെല്ലാം ഒരുകുടക്കീഴിൽ ആവുകയാകും ഫലം. ജീവനക്കാർക്ക്​ ഫീൽഡ്​ വർക്കില്ലാതെ തന്നെ ഏറ്റവും കൃത്യതയോടെ പദ്ധതികൾ ആസൂത്രണം ചെയ്യാനും നടപ്പിലാക്കാനും ഇതുവഴി സാധിക്കും. ഡ്രോൺ, ഡി.ജി.പി.എസ്​, ​പ്രത്യേകം തയാറാക്കിയ മൊബൈൽ ആപ്ലിക്കേഷൻ, ലേസർ ടാപ്​ എന്നിവ ഉപയോഗിച്ചാണ്​ വിവരശേഖരണം നടത്തുന്നത്​. നഗരസഭ നടപ്പാക്കുന്ന വിവിധ ക്ഷേമ പദ്ധതികൾ അർഹർക്ക്​ തന്നെ ലഭിക്കാൻ സഹായകമാകുന്നതാണ്​ പദ്ധതിയെന്നാണ്​ വിലയിരുത്തൽ. ഇതുസംബന്ധിച്ച്​ ഉൗരാളുങ്കൽ സൊസൈറ്റിയുടെ ​െഎ.ടി വിഭാഗം കോർപറേഷൻ കൗൺസിലർമാർക്ക്​ മുന്നിൽ പദ്ധതിയെക്കുറിച്ചും നടത്തിപ്പിനെക്കുറിച്ചും വിശദീകരിച്ചു. ഡ്രോൺ സർവേയിൽ വളരെ കൃത്യവും വ്യക്​തവുമായി വിവരങ്ങൾ ശേഖരിക്കാൻ കഴിയുമെന്ന്​ അവർ വിവരിച്ചു. പ്രോപ്പർട്ടി സർവേയിൽ കെട്ടിടങ്ങളുടെ വിവരങ്ങൾ, കെട്ടിട ഉടമകളുടെ വിവരങ്ങൾ എന്നിവയും സോഷ്യോ ഇക്കണോമിക്ക്​​ സർവേയിൽ കുടുംബാംഗങ്ങളുടെ പൂർണമായ വിവരങ്ങളും ശേഖരിക്കും. റേഷൻ കാർഡ്​ സംബന്ധിച്ച വിവരങ്ങൾ, കുടുംബത്തി​ൻെറ വരുമാനം തുടങ്ങിയവയും ശേഖരിക്കും. വാടക വീടാണെങ്കിൽ ഉടമയുടെ വിവരങ്ങളാകും ശേഖരിക്കുക. കോർപറേഷനിലെ നടപ്പാത മുതൽ മുഴുവൻ റോഡുകളുടെയും വിവരങ്ങൾ മാപ്​ ചെയ്യും. ഭാവിയിൽ ഏത്​ വികസന പ്രവർത്തനങ്ങൾ നടത്തുന്നതിനും ഇൗ മാപ്​ ഉപയോഗിച്ച്​ നിർവഹിക്കാൻ കഴിയുമെന്നും ഉൗരാളുങ്കൽ സൊസൈറ്റിയുടെ ​െഎ.ടി വിഭാഗം ഉദ്യോഗസ്​ഥർ വ്യക്​തമാക്കി.